ROGAMEN, Preces, petitio, rogatio. Glossæ Lat. Græc. : Rogamen, δέημα. Aliæ Græc. Lat. : Δέημα, Rogamen. Annales Genuenses Oberti Stanconi lib. 9. apud Murator. tom. 6. col. 567 :

Tandem vero ab ipsis soluti confinibus, amicorum Rogaminum interventu, repatriandi licentiam impetrarunt.

Rursum occurrit apud Georgium Stellam ad ann. 1315. tom. 17. ejusdem Muratorii col. 1029. in Literis ann. 1307. apud Rymer. tom. 5. pag. 10. col. 2. in aliis ann. 1353. tom. 5. pag. 773. col. 1. in Charta ann. 1364. apud Baluzium tom. 2. Hist. Arvern. pag. 353. in Instrumento ann. 1393. apud Martenium tom. 7. Ampliss. Collect. col. 608. etc.