ROMANATUS, Nummus aureus Romani Diogenis Imp. CP. imagine signatus. Chronicon Farfense apud Muratorium tom. 2. part. 2. col. 626 :

Quod si hæc omnia non observaverint, componant auri optimi Romanatos mille.

Charta Andreæ Comitis de Chelmo ann. 1241. apud Johan. Lucium in Hist. Dalmat. pag. 473 :

Solvat nomine pœnæ Comiti præfato 1000. Romanatos.

Falco Beneventan. ann. 1130 :

Hortum suum vendiderat. 60. Romanatis.

Idem ann. 1131 :

Monet, ut illos 60. Romanatos... redderet.

In Bulla Alexandri III. PP. ann. 1179. apud Petrum Mariam in Histor. Eccles. Placent. pag. 48 :

Romanatos de Paradiso, et totidem de altari.

Chron. MS. Andr. Danduli ann. 1150 :

Oppidani duos Romanatos singulis annis Duci... Dare promiserant.

Adde Ughellum tom. 8. pag. 191. Anna Comnena lib. 3. pag. 94 :

Καὶ τὸ ῥηθὲν ποσὸν τῶν ἀποσταλέντων ἀπεπληρώθη διά τε εἰργασμένου ἀργυρίου ϰαὶ Ῥωμανάτου παλαιᾶς ποιότητος.