ROULLETA, Glossarium mediae et infimae latinitatis, Du Cange et al.

« Roulleta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 226c. http://ducange.enc.sorbonne.fr/ROULLETA

ROULLETA. Statuta vetera Capituli Senonens. MSS. :

Item Canonici qui faciunt, debent pilotas et Roulletas in crastino Paschæ.

Puto legendum esse,

Item Canonici qui faciunt pilotas, debent Roulletas in crastino Paschæ

. De ludo pilotæ die Lunæ post Pascha, etiam in Templis habito, fusius supra dictum est in Pelota 3. Hodieque Autissiodori festis Paschalibus pueri solent a consanguineis et amicis postulare la Roullée : quibus dantur vel ova durata vel nummuli ; unde per Roulletas intelligo munuscula quædam fieri solita ab iis, qui faciebant pilotas. Vide Pelota 3.

P. Carpentier, 1766.

◊ Locum ex Stat. capit. Senon. sic emenda ex Mercur. Franc. mens. Mart. ann. 1735. pag. 430 :

Item. Canonici qui faciunt stagium, debent pilotas et Roulettas.

Ubi esca quædam significari videtur ; nisi legendum sit Bouletta. Rouillée vero, Stabulum porcorum sonat, in Consuet. civit. Tull. ann. 1297. ex Reg. A. Chartoph. reg. ch. 1 :

Quiconques monderoit sa Roulliée et feroit porter aval la ville lou fiens de ses pors, etc.