RUNA. Papias : Runa, pugna, Rumata, pugnata. Ugutio : Runa, i. stipula, vel pugna, unde runatus, præliatus. Adde Glossas Isidori. Gloss. Ælfrici : Runia vel paleare, sræd læppa. Vide Festum, qui habet :

Runa genus teli significat. Ennius : Runata recidit, id est pilata.

Hinc Martinius legendum censet apud Papiam :

Runa, pilum, Runata, pilatas ;

scilicet vel a ῥύω, Tueor, quod eo se defenderent : vel a ruo, quod Runa aliquid ruatur, seu sternatur, in ruinam detur. Certe pila muralia erant, quibus quatiebant muros, ut ruerent.