« »
 
[]« Scamares » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 330c. http://ducange.enc.sorbonne.fr/SCAMARES
SCAMARES, Scamaratores, Prædones, qui Menandro de Legat. et Theophani pag. 367. Σϰαμάρεις. Eugippius in Vita S. Severini cap. 10 :
Ipse quantocius Istri fluenta prætermeans latrones properanter insequitur, quos vulgus Scamares appellabat.
Jornandes de Rebus Getic. cap. 58 :
Et plerisque ab actoribus, Scamarisque et latronibus undique collectis, etc.
Scamaræ, apud Papiam MS. et edit. dicuntur Piones legis, ubi forte legendum Spiones Regis, Gall. Espions : nisi Lex intelligatur Longobardorum, ad quam ita Boerius :
Scameram, id est, exploratorem, sive spionem.
Eadem Lex lib. 1. tit. 1. § 4. Roth. 5. :
Si quis Scameram intra provinciam celaverit, aut annonam dederit, animæ incurrat periculum.
Formul. antiq. ad hanc legem :
Spiam regis intra provinciam celasti, aut annonam dedisti.
Vide Grimm. Antiq. Jur. German. pag. 635. Graff. Thesaur. Ling. Franc. tom. 6. col. 497. Glossar. med. Græcit. voce Σϰαμάρεις, col. 1380. ubi emendatur locus Histor. Miscell.
Scamaræ, aut Scameræ, Deprædationes. Capitulare Sicardi Principis Beneventani ann. 836 :
Neque per exercita, aut cursas, neque per Scameras, neque per pertradicios, qui a partibus vestris nobiscum sunt, etc.
Scammeras edidit Murator. tom. 2. pag. 257. Et art. 1 :
Hoc promittimus ut si quis hostis, aut Scamaras per nostros fines ad læsionem contra vos venire tentaverint.
Epistola Stephani PP. ad Pipinum Regem apud Baron. ann. 755 :
Scamaras atque deprædationes, seu devastationes, etc.
Scamaratores, Prædones, in eod. Capitulari Sicardi Principis Beneventani artic. 2 :
Insuper per Scamaratores seu cursas et publicum exercitum oppressionem facere.
Vide Scarani.
© École des chartes.