SCAMNALE, Stragulum seu instratum scamni. Testamentum S. Desiderii Episcopi Cadurcensis in ejus Vita cap. 18 :

De præsidio meo, Scamnalia, mensalia, et electualia, aurum et argentum quod ex successione parentum habeo..... tibi relinquo.

Ratherius Veronensis in Qualitatis conjectura :

Vestibus non comitur, calceamentis turpatur, Scamnalia non quærit, mensalibus indiget, lectisterniis mediocribus, cæteraque supellectile delectatur, pretiosa non ambit.

Gregorius Turon. lib. 9. cap. 35 :

Mandans iterum Actori, ut domo scopis mundata, stragulis Scamna operiret.

Mox :

Cur non sunt Scamna hæc operta stragulis ?

Hugo de Cleeriis de Majoratu Franciæ :

Scamnum pulcherrimum fulcro pallii aut tapeto coopertum Senescallus præparabit.

Concilium Constantinopolitanum sub Mena act. 5 :

Εἰπὼν γάρ ὠνηθῆναί τινα σϰαμνάλια εἰς λόγον τοῦ σηϰρήτου τοῦ Ἐπισϰοπείου.

Infra :

Τὰ λιτὰ σϰαμνάλια.