« »
 
[]« Scenofacere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 345a. http://ducange.enc.sorbonne.fr/SCENOFACERE
SCENOFACERE, facere funes, ex Gr. σχοῖνος, funis, vox ibrida :
Unde Scenofactor, funium factor, et ars scenofactoria. Unde in Actibus Apostolorum cap. 18. v. 3. legitur de Paulo, quod erat scenofactoriæ artis.
Ita Ugutio : at aliter Græca versio habet :
ἦσαν γὰρ σϰηνοποιοὶ τὴν τέχνην.
Ubi Erasmus :
Erat autem ars illorum texere tabernacula.
Ita etiam legit Arator lib. 2. Hist. Evangel. : []
.... Cujus se Paulus amico
Contulit hospitio, sociam dignatus adire
Artis amore domum, nam Scenifactor uterque
Pollebant operis studiis, et dogmate Legis.
Et infra :
Nec vacat ars Pauli socio celebrata sub ipso
Secreti virtute boni : tentoria quippe
Fortia mobilibus fabricabat in aggere tectis.
Ita editio Aldina ann. 1502. nam aliæ Scœnæfactor præferunt. Vide Lexic. Martinii.
les Bénédictins de St. Maur, 1733–1736.
Scenofactoria Ars, Acu scilicet pingendi. Agnellus lib. Pontif. apud Murator. tom. 2. pag. 57 :
Istius (Petri) temporibus Galla Placidia Augusta multa dona in Ecclesia Ravennæ obtulit, et lucernam cum cereis,... una cum sua effigie Scenofactoriæ artis factam.
© École des chartes.