« »
 
SCORPIO 1, SCORPIO 2, SCORPIO 3.
[]« 1 scorpio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 363a. http://ducange.enc.sorbonne.fr/SCORPIO1
1. SCORPIO. Papias : Scorpiones, genus duplicis flagelli, vel magni fustes. Gloss. Lat. Gall. Sangerm. : Scorpio, escorpion ou fouet. Magister quidam in Historiis, laudatus a Jo. de Janua, ad illud 3. Reg. cap. 12 :
Pater meus cecidit vos flagellis, ego autem cædam vos Scorpionibus : Scorpius est rubeus, aculeatus, vel flagellum virgarum nodosarum, vel scutica, habens in summitate glandes plumbeas, etc.
Ita sane Auctor Mamotrecti. Honorius in serm. de S. Laurentio :
Victima Christi in catasta extenditur, cum Scorpionibus, id est, flagellis, in modum Scorpionum aculeatis, cæditur.
Vide Baronium ad 12. Junii in Martyrolog. et Gallonium de Cruciatibus Martyrum pag. 88. edit. Paris.
© École des chartes.
[]« 2 scorpio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 363a. http://ducange.enc.sorbonne.fr/SCORPIO2
2. SCORPIO, Telum militare, quod a Cretensibus inventum tradit Plinius lib. 7. cap. 56. Gloss. Lat. Gall. Sangerm. Scorpio, Saiette envenimée. Σϰορπίδιον, inter machinas bellicas recensetur, ab Anonymo post Theophanem pag. 434. πυρόϐολά τε ϰαὶ λιθοϐόλα, ϰαὶ σϰορπίδια. Vide Meursium, et Gloss. mediæ Græcitatis.
P. Carpentier, 1766.
◊ Et Machina bellica, qua tela projiciuntur. Annal. Placent. ad ann. 1444. apud Murator. tom. 20. Script. Ital. col. 895 :
Scorpione seu balistra, etc.
Hist. Franc. Sfort. ad ann. 1428. apud eumd. Murator. tom. 21. col. 215 :
Ubi cassidem posuisset, Scorpionis cornu in caput percussus, interiit.
Ad modum ergo caudæ scorpionis cornutum erat ejusmodi telum ; unde ipsius nomenclatura. Ejusdem fortasse originis navigium, quod Escorpion nostri appellabant. Guill. de Villanova in Hist. belli Ital. apud Marten. tom. 3. Anecd. col. 1525 :
Le prince trouva l'armée des Venissiens, qui estoient en nombre de vingt gallées et des autres navires Biscains et Espaigneulx, deux naves, deux gallions et deux Escorpions.
© École des chartes.
[]« 3 scorpio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 363a. http://ducange.enc.sorbonne.fr/SCORPIO3
3. SCORPIO, Scorofio, voces Agrimensorum. Siculus Flaccus de condit. agror. :
Congeries lapidum pro terminis observant, et Scorpiones appellant.
Idem :
Congeries lapidum acervatim congestæ, quos Scorpiones appellant.
Mago et Vegoia :
Congeries petrarum, quas Scorofiones vocamus.
Ita alibi non semel. A Græco σϰορπίος quo, teste Scaligero, significatur quidquid in metam aut conum fastigiatum est, ad modum caudæ scorpii : unde et tutulus capillorum in pueris sic vocabatur. Vide Alexandr. Explic. Tabular. Heliac. pag. 44.
© École des chartes.