SEPTENARIUS 1, Glossarium mediae et infimae latinitatis, Du Cange et al.

« 1 septenarius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 428a. http://ducange.enc.sorbonne.fr/SEPTENARIUS1

1. SEPTENARIUS, vel Septenarium, Officium pro mortuis per septem dies continuos. S. Stephanus in Regula Grandimontensium cap. 5 :

Tricenarium, Septenarium, annuale, vel quodlibet pretium pro Missa nominatim vobis oblatum nullatenus accipiatis.

Vetus Charta in Histor. Monasterii S. Nicolai Andegav. :

Canonici vero pro defunctis Monachis Septenarium facient Vigiliarum, Missarum, et Psalmorum competentium.

Udalricus, lib. 3. Consuet. Cluniac. cap. 33 :

Cum brevis eorum ad nos venerit de defuncto, vel ad illos noster, officium et Missa geratur, et postea Septenarius cum officiis et Missis.

Charta Confraternitatum Marcianensium apud Buzelium :

Sanctimonialibus S. Mariæ Suessionensis..... debemus Septenarium ; hoc est, prima die officium cum Missa in Conventu, et septem aliis similiter, etc.

Salomon. Episc. ad Dadonem :

Tunc sanxere diem fieret quæ septima fratris

Omnis perficere cum prece * si agapen. * sic

Sic cum veniret quæ lex Tricena maneret,

Ritu consimili hanc statuere coli.

Concilium apud Saponarias ann. 859. cap. 13 :

Ut pro eo, qui decesserit, in sedibus Septenæ Missæ totidemque vigiliæ persolvantur, etc.

Liber Chirograph. Absiæ fol. 64 :

Die, quo peractum est Septenarium Siebrandi Chabot.

Pactum inter Petrum Corbol. Archiepisc. Senon. et Petrum Abbat. Maurigniac. ann. 1200. apud Fleureau Hist. Bles. part. 3. pag. 521 :

Omnes tricenarii, annualia, Septenaria in communem ambobus, Priori scilicet et Sacerdoti venient partitionem.

Ubi emolumenta ex Septenariis intelliguntur. Rationem, cur per septem dies

Missæ pro defunctis agerentur, reddunt Amalarius lib. 3. de Eccles. Offic. cap. 44. Alcuinus lib. de Offic. divin. cap. de Exequiis mortuorum, Durandus lib. 7. cap. 35. n. 6. et Menardus ad Concordiam Regular. pag. 217. Ut plurimum autem septenarium cum tricenario conjungitur. Vide in Tricenarium.

Septennale, in Concilio Parisiensi ann. 1212. cap. 11.

« 2 septenarius » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 428b. http://ducange.enc.sorbonne.fr/SEPTENARIUS2

2. SEPTENARIUS. Tallia Septenaria, Præstatio, quæ quolibet septennio pensitabatur. Charta Hug. abb. Belliloci ann. 1479 :

Cum certam talliam Septenariam, pro qua de septennio in septennium, in festo Ascensionis Domini, domino nostro regi centum libras Turonenses...... solvere tenebamur, etc.

A qua præstatione immunes declarantur Lit. Ludovici XI. ann. 1478 :

Donnons et quittons de grace spéciale, plaine puissance et authorité royalle par ces presentes, la taille et devoir Septenaire, qui est de cent livres Tournois, que lesdiz religieux, abbé et convent (de Beaulieu) nous estoient tenus païer de sept ans en sept ans.