SESTAIRAGIUM, Sestayralh, Quod pro singulis frumenti aut alterius grani sextariis domino exsolvitur, jus mensuræ. Charta ann. 1231. inter Instr. tom. 6. Gall. Christ. col. 447 :

Item statuimus, quod.... tam leudæ quam Sestairagium, et alia quæ ad perceptionem nostri dominii spectant, dentur et percipiantur secundum quod antiquitus et usquemodo est a nobis et a nostris antecessoribus observatum.

Alia Guid. vicecom. de Combor. ann. 1284. in Reg. 61. Chartoph. reg. ch. 424 :

Retinemus etiam..... exitus..... del Sestayralh. Seterlage,

in Charta Phil. VI. ann. 1336. ex Reg. ejusd. reg. in Cam. Comput. Paris. fol. 139. v° :

Plusieurs domaines, revenues, redevances et coustumes que nous avions en laditte ville (de Peronne)........ C'est assavoir tout ce qu'on appeloit la justice et le Seterlage, etc.

Unde Stellerage aut Scesterage legendum opinor, pro Scellerage, in Lit. ann. 1405. tom. 9. Ordinat. reg. Franc. pag. 704 :

Toutes les rentes, revenues, cens, admendes, forfaictures, criages et Scellerages, etc.

Pejus infra : Cellerages. Vide Sextariaticum.