SEWARE, Rigare, aquam deducere ad irrigationem ; dicitur de pratis, quæ canaliculis seu rivulis hac illacque discurrentibus irrigantur. Charta Rog. dom. de Basinghem ann. 1220. ex Chartul. S. Bert. pag. 262 :

Cum prohibuissem ne ecclesia S. Bertini pratum suum... per terram meam Sewaret, sicut antiquitus consuevit.

Hinc forte Seure, Præstatio, quæ pro ejusmodi facultate pensitabatur, in Charta ann. 1301. ex Lib. rub. Cam. Comput. Paris. fol. 137. v°. col. 1 :

Les marés le roi, si comme s'en levet la Seure, o tout le droit de la Seure, c'est assavoir ronscher et péescher.

Vide Gota et mox Seweria.