SILIGO, Glossarium mediae et infimae latinitatis, Du Cange et al.

« Siligo » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 488b. http://ducange.enc.sorbonne.fr/SILIGO

SILIGO, Latinis scriptoribus est selecta farinæ medulla, ex siligine frumenti genere, de quo Plinius lib. 18. cap. 8. et alii. Isidorus lib. 17. cap. 2 :

Siligo, genus tritici a selecto dictum.

Adde lib. 20. cap. 2. At postremi ævi auctoribus usurpatur pro Secali, vulgo Segle. Statuta Vercell. lib. 4. fol. 72. v° :

Teneatur fornarius facere et habere levatum pulchrum et mundum, videlicet ad panem frumenti, levatum puri frumenti, et ad panem Siliginis, pure Siliginis.

Tidericus Langenius in Saxonia :

Extat et hic triticum, quod non reperitur iniquum,

Crescit non lente bona moxque Siligo repente.

Occurrit non semel. Vide Gorræum in σιλίγνις,

et Joann. Bruyerinum Campegium lib. 6. de Re cibaria cap. 9.

P. Carpentier, 1766.

◊ Glossar. medic. MS. Sim. Januens. ex Cod. reg. 6959 : Siligo, bladum notum, rusticis in pane, vice frumenti, esui. Hanc Plinius dicit oliram ab Homero vocari. Vide supra Siliginalis.