« »
 
[]« 1 spatula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 546a. http://ducange.enc.sorbonne.fr/SPATULA1
1. SPATULA, in Gloss. Græc. Lat. : Σπάθη, τὸ ξίφος. Charta Philippi Aug. ann. 1194. pro Atrebat. :
Quicumque cultellum cum cuspide, vel curtam Spatulam, vel misericordam, vel hujusmodi arma multritoria portaverit, lx. libras perdet.
Vide Spatha 1.
◊ Eædem Glossæ : Σπάθη, ἡ τοῦ ἀθρώπου, Costa, humerus : armus, proprie in pecoribus, quod lata sit, inquit Joannes de Janua : nostris Espaule. Mirac. MSS. Urbani V. PP. ex Tabul. S. Victoris Massil. :
Ponens manum suam super Spatulam dextram, etc.
Concil. Tarraconense ann. 1591. inter Hisp. tom. 4. pag. 611 :
Canonici et presbyteri de capitulo ecclesiarum Cathedralium..... in choro ad horas divinas almucias extensas super Spatulas... portare omnimode teneantur.
Vide Constantinum African. lib. 2. Pantechn. cap. 6. ubi spatularum ossa describuntur. De vena spatulosa, quæ et cephalica, agit idem cap. 12.
Spatulosus, Magnas et diffusas habens spatulas, vel delitiosus, sive delicatus. Joan. de Janua.
Spatulari, Delitiari, vel in spatula divinare. Idem.
les Bénédictins de St. Maur, 1733–1736.
◊ Hinc, nisi me fallo,
Spatulati pœnitentes
, apud Reinerium in Catalogo hæretic. pro Delicati, seu delicias sectantes :
In secunda secta sunt qui se fingunt peregrinos S. Jacobi, plumbati (l. palmati) ut ultramarinos et Spatulatos pœnitentes.
Spatulæ, vox Agrimensorum, metæ, termini in acumen surrecti, apud Frontinum.
les Bénédictins de St. Maur, 1733–1736.
Spatula, Latus, Epaule, eadem notione dicimus, in Bressia apud Guichenon. :
Quia non tantum in Spatulis, quantum in profundo et matrice talium calceatorum.
Spatulæ, Armi porcorum, Pernæ. Tabularium Conchensis Abbatiæ in Ruthenis Ch. 26 :
Medietatem de vestitionibus, et medietatem de Spatulis et agnis, etc.
Crebro in eo Tabulario.
Spatula porcina
, apud Apicium lib. 4. cap. 3. et Turpinum in Carolo M. cap. 20.
Armus feræ
, in Lege Longobard. lib. 1. tit. 22. § 4. Roth. 317. Charta ann. 1214. in Tabulario Ecclesiæ Carnotensis n. 179 :
Habet etiam de quolibet hospite unum panem ad Natale Domini, et unum Armum de quolibet homine, qui ad proprium usum facit baconem.
Bulla Benedicti VIII. PP. ann. 1014. in Append. ad Hist. Comitat. Comacli pag. 6 :
Ita sane ut singulis quibusque Indictionibus, pensionis nomine, detis S. R. Ecclesiæ.... in Nativitate Domini Spatulas de porcis numero sexaginta.
© École des chartes.