« »
 
[]« Spaviæ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 546b. http://ducange.enc.sorbonne.fr/SPAVIAE
SPAVIÆ, Animalia vagantia et errantia, quæ expavefacta, et metu, seu pavore, (unde vocis etymon) e dominorum suorum domibus erumpunt, et in aliena dominia transeunt, in incerto, cujus juris sint, et quæ eo nomine domino, in cujus prædio reperiuntur, addicuntur, nostris
Espaves, bestes esgarées, qui ne sont advoüées d'aucun Seigneur
, ut est in Consuetudine Laudunensi art. 3. et Remensi art. 343. in aliis passim Espaves. Regestum 1. Parlam. fol. 22. sub ann. 1260 :
Justitia latronis, campi, duelli, Spaviæ, quod Gallice dicitur Estrahere, sanguinis, de melleia, etc.
Charta Radulphi Comitis Suession. ann. 1233. pro Communia Nantoliensi :
Si Espava inveniatur apud Nantolium, reddetur mihi vel servienti meo ab inventore, etc.
les Bénédictins de St. Maur, 1733–1736.
◊ Eodem nomine intelliguntur errantes bestiæ, quæ intra alicujus dominium reperiuntur a venatoribus fugientes, si persequentes venatores non adsunt. Charta Philippi I. Reg. Franc. ann. 1092. ex Chartul. Audomar. :
Et si bestia aliqua fugiens absque venatoribus ibi devenerit, ad mensam fratrum deferatur, sicut prædictus pius Rex Karolus eis concessit.
Ubi e regione hujus loci in margine recentiori, sed antiqua, manu scriptum legitur, Espave. Sed et quævis bona mobilia quorum dominus non apparet[] ea voce significantur. Vide Espava. Enumeratio bonorum Abbatiæ de Baigne :
Tous Espauvyers sont à la dame Abbesse, et doivent estre revelez à ladite Abbesse en toute la terre dans 24. heures, et tous bournhons et eyssans dans huit jours.
Vide in Wayf.
les Bénédictins de St. Maur, 1733–1736.
Spava, in Litteris ann. 1236. ex Tabul. S. Quintini in Insula :
In eorum districtu villæ prædictæ nullam justitiam altam seu Spavam habebamus.
Vide supra Espava.
© École des chartes.