SPELTA, Glossarium mediae et infimae latinitatis, Du Cange et al.

« Spelta » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 550c. http://ducange.enc.sorbonne.fr/SPELTA

SPELTA, Latinis Far, Græcis Ζέα, Germanis Spels, Italis et Hispanis Spelta : Espeautre, in Statutis Leodiens. art. 1. 7. 17. Gloss. S. Bened. cap. de Agricult. : Spelta, ὄλυρα. Glossæ Medicæ MSS : Alica, granum, quod dicitur Spelta. S. Hieron. in 4. cap. Ezechielis :

ζέαν, sive ζείαν, nos vel far, vel gentili Italiæ Pannoniæque sermone Spicam Speltamque dicimus

. Adalardus in Statutis Corb. cap. 6 :

Volumus, ut annis singulis veniant de Spelta bene ventilata atque mundata Corbi 750.

Polyptychus S. Remigii Remensis :

Campi 2. recipientes semine Speltæ modios 130.

Cæsarius lib. 9. cap. 65 :

Requisitus Papa Honorius III. per litteras cujusdam Abbatis nostri (an hostiæ ex Spelta confici possent) respondit, Speltam magis pertinere ad hordeum, quam ad triticum. Annona Spelda,

in Charta Alamannica Goldasti 60. Ita Spelda rursum ch. 62. Spelta disparata, in Capit. 5. Caroli M. ann. 806. cap. 19. Occurrit etiam apud Eckehardum Jun. de Casibus S. Galli cap. 16. Calmet. inter Probat. Hist. Lothar. tom. 1. col. 420. tom. 2. col. 400. Marten. tom. 5. Ampliss. Collect. col. 445. et tom. 8. col. 1490. Miræum tom. 2. pag. 1211. col. 2. Utuntur præterea Acta Murensia pag. 56. Constantinus Afric. de Ratione vict. pag. 278. Petrus Crescentius lib. 3. de Agricult. pag. 133. Ægidius Aureæ-vallis Monach. cap. 85. Joan. Hocsemius in Adolfo a Marka cap. 18. Chartæ vett. apud Doubletum pag. 740. 793. etc. Vide Speaulta.

les Bénédictins de St. Maur, 1733–1736.

Speltinus Panis. Ex spelta confectus. Charta ann. 1304. apud Meichelbec. tom. 2. Hist. Frising. pag. 523 :

Semper in Anniversario prædicti Gotifridi die xxx. panes Speltinos, et xxx. sigalinos... offerat.

P. Carpentier, 1766.

Speltus, Hordei species, vulgo Espeautre, alias Espiote. Charta Caroli C. ann. 23. regni ejusd. in Chartul. S. Dion. pag. 65. col. 2 :

De Simpliciaco.... per tres festivitates, scilicet Paschæ, Natalis Domini atque festivitatis S. Dionysii de Speltu modia nonaginta ad seraesam faciendam.

Lit. remiss. ann. 1415. in Reg. 168. Chartoph. reg. ch. 411 :

Le suppliant prist du blé, appellé l'Espiote ou gros blé, pour son cheval.

Vide Spelta.