« »
 
STABILITA 1, STABILITA 2, STABILITA 3.
[]« 1 stabilita » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 568a. http://ducange.enc.sorbonne.fr/STABILITA1
1. STABILITA, æ, in Statutis Delphinalibus pag. 38. videtur idem jus quod Reseandisia ; quo scilicet dominus feudalis vassallum seu tenentem cogere potest, ut intra feudi sui terminos habitet aut mansionem habeat ; quod interdum pecunia redimebatur. Comput. Castellan. Viennens. ann. 1322 :
Die 27. Aug. computavit Albertus de villa de Stabilita quam tenuit apud Vezeron.
Charta ann. 1341. tom. 2. Hist. Dalphin. pag. 435. col. 1 :
Ipsos suos quoscumque subditos... a prædictis omnibus et singulis Stabilitis, focagiis, donis, liberavit, etc.
Alia ann. 1349. ibid. pag. 588. col. 1 :
Item quod nec ipsi homines, nec alii quicumque homines, seu subditi Dalphinatus, aut aliarum terrarum dom. Dalphini teneantur ad aliquas Stabilitas.
Comput. Castell. Graisivod. ann. 1348 :
Item solvit et [] deliberavit pro novem clientibus tenutis ultra numerum suæ Stabilitæ 18. sol.
Vide Residentia in Residentes.
© École des chartes.
[]« 2 stabilita » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 568b. http://ducange.enc.sorbonne.fr/STABILITA2
2. STABILITA, Præsidium militare, Gall. Garnison. Statutum Philippi Pulchri Reg. Fr. ann. 1314. tom. 1. Ordinat. pag. 539 :
Vina, blada et alia victualia quecumque, que per commissos vobis districtus, ad Stabilitas nostras Flandrie, sive ad nostrum Flandrie exercitum.... portari.... faciatis.
Ubi in Gallico sic legitur :
Et laissez porter et mener bleds, vins et toute autre maniere de vivres, pour ladite guerre, par vos lieus, par vos distroits et par vos paiages, à nos Establies et à nos hostes de Flandres.
Litteræ Caroli Regentis ann. 1359. ex Chartophyl. Reg. Regest. 90. Ch. 444 :
Contra inimicos dicti regni pro posse servierunt et maxime in Stabilita et capitanaria dicti loci et in loco de Creciaco in Bria.
Litteræ Edwardi III. Reg. Angl. ann. 1348. apud Rymer. tom. 5. pag. 605 :
Item, dictus Comes, durante termino antedicto, non receptabit seu recipiet, vel intrare quovis ingenio permittet in villis, castris, et fortalitiis suis, aliquam munitionem seu Stabilitam gentium ad arma, sive peditum de parte inimicorum nostrorum. Stetit in Stabilita pro D. Barralo in camba de Bergebal per 2. menses
in Charta ann. 1268. Vide in Stabilitas. Hinc Stabilitare 1.
© École des chartes.
[]« 3 stabilita » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 568b. http://ducange.enc.sorbonne.fr/STABILITA3
3. STABILITA, Vox fori Normannici, cum scilicet res, de qua est controversia, in manu regis ponitur, donec judicio decisa fuerit. Scacar. apud Cadomum ann. 1234. ex Reg. S. Justi in Cam. Comput. Paris. fol. 29. r°. col. 2 :
Puer infra ætatem non potest petere recordationem assisiæ, nisi de lege vel terra, puta de duello, vel Stabilita, vel recordatione.
Vide supra Estabilitas et Stabilia 2.
© École des chartes.