2. STACA, Stacha, Præstatio pro facultate figendi Stacas seu palos et ad illos navem aliudve alligandi. Staiche, palus, in Ch. ann. 1355. tom. 2. Hist. Leod. pag. 421 :

Item que toutefois que ly voir jurez d'eauwe planteront Staiches,.... quant ils seront dedens le banlieu, chascun six soulx pour sa journée.

Charta ann. 1280 :

Nobilis vir Pontius Bremundi, dominus castri de Caslario,... concessit et tradidit seu quasi dicto domino regi...... medietatem pro indiviso Stacæ, seu juris quod habet in Staca et in managio, et generaliter medietatem pro indiviso totius alterius juris, quod ipse Pontius Bremundi habet in Staca et managio et pedagio supradictis..... Si contingeret quod aliquid committeretur a transeunte seu transeuntibus nomine vel occasione managii, passagii, et Stacæ seu pedagii, seu alio modo nomine prædictorum, quod cognitio ipsius commissionis, tam ad dictum dom. regem quam ad dictum Pontium Bremundi debeat pertinere ;..... et quod dictum pedagium, Staca et managium sine consensu utriusque partis nullo tempore possit dividi.

Alia ann. 1224. ex Chartul. 23. Corb. :

Ego vero dictam præposituram..... quittavi in perpetuum, cum omni jure ad eamdem pertinente, videlicet justiciis...... antesolaris, Stachis figendis, etc.

Vide supra Estecha et mox Stacagium.