« »
 
STRIGA 1, STRIGA 2, STRIGA 3, STRIGA 4.
[]« 1 striga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 614b. http://ducange.enc.sorbonne.fr/STRIGA1
1. STRIGA, Venefica. Ugutio : Stricæ quædam monstra dicuntur, quæ magicis cantibus in feras transeunt. Glossæ Lat. Gr. : Striga, λαιστρυγών, ϰαι γυνὴ φαρμαϰίς. Synodus S. Patricii et Auxentii can. 16 :
Christianus, qui crediderit esse lamiam in speculo, quæ interpretatur Striga, excommunicandus, quicumque super animam famam istam imposuerit.
Capitulatio Caroli M. pro partibus Saxoniæ cap. 5. apud Holstenium :
Si quis a diabolo deceptus crediderit, secundum morem paganorum, virum aliquem aut feminam Strigam esse, et homines comedere, etc.
Lex Longob. lib. 1. tit. 11. § 9. Roth. 379. :
Nullus præsumat aldiam aut ancillam, quasi Strigam, quæ dicitur Masca, occidere.
Ubi Edictum Rotharis Regis tit. 116 :
Nullus præsumat aldiam aut ancillam alienam quasi Stringam, quam vulgus dicit, aut mascam occidere.
Eadem Lex tit. 16. § 2. Roth. 189. :
Si quis puellam aut mulierem.... fornicariam aut Strigam clamaverit, etc.
Istricam præfert Codex Mutin. ex Murator. tom. 1. part. 1. pag. 31. Lib. 2. tit. 11. § 3. Roth. 197. :
Si quis.... eam Strigam, quod est masca, clamaverit.
Cathwlphus in Epistola ad Carolum M. :
Maleficos, veneficos, tempestarios, Strigas, pythonissas, fures, etc.
Incantationes et sortilegos exquirere, Strigas et fictos lupos credere..... Hæc...... mala opera sunt diaboli
, apud Marten. tom. 9. Ampl. Collect. col. 217. Adde Decreta Ladislai Regis Hungar. lib. 2. cap. 31. et Cosmam Pragensem pag. 8. Dantes in Purgat. 19 :
Vedesti, disse, quel antica Strega ?
Vide Stria.
© École des chartes.
[]« 2 striga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 614b. http://ducange.enc.sorbonne.fr/STRIGA2
2. STRIGA. Caper :
Striga in turma, ubi equi distringuntur.
Papias : Striga, Castrense vocabulum, vel intervallum turmarum, in quo equi stringuntur : unde et strigosi dicuntur, corpore macilenti. Ex Beda lib. de Orthogr. :
Striga, Castrense vocabulum est, intervallum turmarum significans, in quo equi stringuntur : unde equi strigosi dicuntur corpore macilento.
Hinc
Strigarium, in quo docentur et exercentur equi. Italis Maneggio, quomodo quidam legendum vel accipiendum censent Trigaria septa, apud Victorem in 9. regione urbis Romæ.
© École des chartes.
[]« 3 striga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 614b. http://ducange.enc.sorbonne.fr/STRIGA3
3. STRIGA, vox Agrimensorum, Festo nota. Papias : Striga, longitudo major latitudine. Strigatus ager est, qui per Strigas crescit a Septentrione in Meridiem. Ex Aggeno pag. 60. Frontinus de Agrorum qualitate :
Ager per Strigas et per scamna divisus, etc.
© École des chartes.
[]« 4 striga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 614b. http://ducange.enc.sorbonne.fr/STRIGA4
4. STRIGA, Strigula, Genus vestis, in vett. Glossis apud Savaronem ad Sidonium. Glossæ Isidor. Strigium, genus vestimenti. Striges, Hispanorum vestes, eidem Isidoro lib. 19. cap. 23. et Juvenali. Vide Stica 1.
P. Carpentier, 1766.
◊ Nostris Estrainte. Lit. remiss. ann. 1394. in Reg. 146. Chartoph. reg. ch. 323 :
La suppliante prist.... la moitié d'une garnison d'une piece de robe garnie de toile, et en fist unes Estrainttes à son mary.
Aliæ ejusd. ann. ibid. ch. 394 :
En la chambre le suppliant print unes Estraintes à homme.
f. Interius subligaculum, vulgo Caleçon. Vide infra Strula.
© École des chartes.