SUBMONITOR, Glossarium mediae et infimae latinitatis, Du Cange et al.

« Submonitor » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 634c. http://ducange.enc.sorbonne.fr/SUBMONITOR

SUBMONITOR, Idem qui Proscholus. Vide in hac voce. Hujus erat admonere pueros officii sui antequam ad Magistrum accederent, eorum lectiones excipere, priusquam ii in scholam venirent : unde Submonitor dictus. Statuta Scholarum Paris. ann. 1357. apud Lobinell. tom. 3. Hist. Paris. pag. 447 :

Nullus tradet scholas suas ad firmam, nec habebit socium, sed habere poterit Submonitorem. Nullus tenebit Submonitorem qui cum alio magistrorum fuerit, nisi tribus scholis, etc. Nullus Submonitor tenebit scholas juxta magistrum suum, nisi tribus scholis intermediis.... Si contingat vos capere Vicemagistrum, præsentabitis eum domino Cantori.

Vide alia notione in Submonere.

P. Carpentier, 1766.

◊ Charta circ. ann. 1373. inter Instr. tom. 10. Gall. Christ. col. 276 :

Fundavit et dotavit unum colegium perpetuum duodecim scholarium, cum uno magno Submonitore et uno procuratore, quæ personæ faciunt quindecim numerum.

Ubi aut quatuordecim legendum est ; aut, quod malim,

cum uno magistro, submonitore et uno procuratore

, qui error ex voce magistro contracte scripta ortus videtur.