« »
 
[]« 3 sufferentia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 647c. http://ducange.enc.sorbonne.fr/SUFFERENTIA3
3. SUFFERENTIA, Mora, prorogatio diei, Gall. Délai, répit. Item, Induciæ, Gall. Suspension d'armes. Litteræ Edw. I. Reg. Angl. ann. 1295. apud Rymer. tom. 2. pag. 689 :
Adolpho Regi Romanorum, Eduardus, etc. Vestros solempnes nuncios cum plenaria potestate dandi Regi Franciæ Sufferentiam, vel respectum et tractandi super ineundis treugis....... mitteretis.
Litteræ aliæ ejusd. Reg. ann. 1296. ibid. pag. 715 :
Ut ante omnia aliqualem Sufferentiam a bellicis actibus, donec plenius tractatus haberi posset, sibi concedere dignaremur... Concessimus ut præfati Cardinales prædictam Sufferentiam nomine nostro possint facere et firmare.
Quæ Gallice sic redduntur ibidem :
E qe, avant totes autres choses, vousisons otrier aukune Suffrance de fetz de gere... Avons graunté..... q'il..... peussent fere la dite Suffrance.
Pluries occurrit apud eumd. Rymer. ibid. pag. 723. 733. 795. 799. 812. tom. 3. pag. 541. et tom. 5. pag. 56. Bulla Clementis VI. PP. ann. 1346. tom. 2. Hist. Dalph. pag. 537. col. 1 :
Assumptis interim Sufferentiis aliquibus usque ad tempus de quo tuæ discretioni videbitur duraturis, etc.
Charta ann. 1377. ex Bibl. Reg. :
Faceremus posse nostrum quod darentur Sufferentiæ seu abstinentiæ usque ad festum S. Michaelis proxime venturi.
les Bénédictins de St. Maur, 1733–1736.
◊ Sed maxime hæc vox usurpatur a Jurisperitis ubi de re feudali, aut rei ærariæ rationibus agitur : hinc Suspensæ rationes in sufferentia positæ dicuntur ; quod et de cliente beneficiario itidem dicunt, cui dicendi sacramenti prolata est dies, ne scilicet ob clientelam nondum [] professam in subdita prædia domini feudalis injiciantur manus. Utriusque notionis exempla præsto sunt. Litteræ Philippi IV. Reg. Franc. ann. 1300. apud Marten. tom. 1. Ampl. Collect. col. 1407 :
Ab aliis subditis Prælatorum et Baronum et Terrariorum nihil exigentes, donec aliud a nobis super hæc habueritis in mandatis. Ipsos enim posuimus in Sufferentia usque ad Magdalenam....... Item, ipsos posuimus in Sufferentia usque ad Parlamentum proximum B. Martini hyemalis.
Aliæ Philippi VI. ann. 1333. tom. 2. Ordinat. pag. 91 :
Gabellam tamen prædictam, ac inhibitiones et ordinationes prædictas, in personis et rebus dictorum Prælatorum, personarum Ecclestasticarum, Baronum et Nobilium, qui, ut præmittitur, in Sufferentia positi, sunt in suspenso,... in statu volumus remanere.
Charta apud Menester. Hist. Lugdun. pag. 12 :
Et adhuc in Sufferentia Lugduni occupati detinentur.
Charta ann. 1366. apud Lobinell. tom. 2. Hist. Britan. col. 526 :
Ecce Dux Britannie qui ad vos tanquam ad dominum suum supremum accessit, ad se in propria persona excusandum super eo quod ad vos citius non venit pro homagio suo vobis faciendo, et ad regratiandum vobis de Sufferentia, in qua eum pluries posuistis, etc....... et ad supplicandum vobis quatenus ipsum poneretis, teneretis et haberetis in Sufferentia sui homagii.
Charta ann. 1391. tom. 3. Hist. Harcur. pag. 389 :
Tenebat quod Rex servaret sua jura et bonos usus et infra dictum terminum non reciperet aliqua hommagia, sed daret Sufferentiam vassallis, quia ea indigerent.
Adde tom. 4. ejusd. Hist. pag. 1715. et Gloss. Juris Gallici v. Souffrance. Vide Respectus 4.
P. Carpentier, 1766.
◊ Suspensio ad tempus. Charta ann. 1222. ex Chartul. Campan. fol. 432. col. 1 :
Comes Campaniæ...... dictam elemosinam posuit in Sufferentiam, et præcepit eam reddi ad tempus presbytero prænotato, ita quod propter prædicta nullum posset fieri præjudicium ipsi comiti Campaniæ supradicto.
Hinc emendanda alia ejusdem anni Charta ibid. pag. 435. col. 2. ubi legitur, in sufficientiam. Vide infra in hac voce num. 2.
P. Carpentier, 1766.
◊ Eo etiam spectat vox Gallica Trempance, qua designatur Prorogatio, quam vassallo dominus concedit ad præstandum hominium vel laudimia exsolvenda. Charta ann. 1326. in Reg. 65. Chartoph. reg. ch. 277 :
Nous feismes contraindre religieux hommes l'abbé et le couvent de Nostre Dame de Montebourc en dyocese de Costances pour nous apporter les acquisitions faites par eulx, depuis le temps contenu esdites lettres de la Trempance dessusdites.
les Bénédictins de St. Maur, 1733–1736.
Suffrentia, ut Sufferentia, in Charta ann. 1187. apud Spon. tom. 2. Hist. Genev. pag. 46 :
Quandam Suffrentiam facit Gebennensis ecclesia ad tempus, etc.
les Bénédictins de St. Maur, 1733–1736.
Sufrentia, Eodem significatu, Induciæ. Charta Johannis Reg. Castellæ ann. 1410. apud Rymer. tom. 8. pag. 618 :
Tam per terram quam per mare, bonas, firmas, legales et legitimas treugas, Sufrentiam et guerræ abstinentiam... Durantibusque treugis, Sufrentia et abstinentia guerræ, etc.
© École des chartes.