SULTA, Item quod supra Solta 2. ut videtur. Charta ann. 1249. apud Schwart. in Hist. fin. principat. Rugiæ pag. 222 :

Propter quod et fratres prædicti monasterii in Sulta eorum, censum de tribus acris, quas eligimus, tantum ad vitam nostram nobis concesserunt, ita tamen ut si acræ ipsæ, quas elegerimus, in tantum deteriorarentur, ut censum solvere non possint, etc. Hoc quoque inter cætera cautum est ut, si Sulta nostra juxta Cristow infra terminos eorum venerit, nobis et hæredibus nostris libera remanebit.