Supertunica. Statuta Hospitalis S. Juliani in Anglia :

Sit Supertunicas clausa et talaris manicas habens tegentes cubitos circumquaque.

Monasticum Anglicanum tom. 1. pag. 420. de leprosis :

Supertunicas autem stamineas de sargio, et femoralia linea accipiunt, etc.

Tom. 2. pag. 464 :

Tunicam, Supertunicam, longum tabardum et capucium, cum furrura ad Supertunicam et capucium.

Adde Concilium Exoniense ann. 1287. cap. 17.

Tunicam, Supertunicam, diacono de S. Jacobo,..... et Supertunicam de bifle dominæ Luciæ reclusæ dedit

, in Testam. Barthol. de Lega, apud Madox Formul. Anglic. pag. 423.

Supertunicale. M. Robertus de Sorbona in Serm. de Conscientia :

Vidi quendam, qui cum erat coram magnis Beguinis, habebat magnum Supertunicale rotundum cum magnis et latis manicis de camelino, et coram mundanis habebat de bruneta scissum ante et retro, strictum sine manicis, de vario foderatum.

Comput. ann. 1202. apud D. Brussel tom. 2. de Usu feud. pag. clvi :

Pro una furura unius Supertunicalis domini Barth. lvii. sol.

Et pag. clvii :

Regina, pro tunica, et pallio, et Supertunicali quam domina Margareta habuit ad medium Augustum, viii. lib. iii. sol. minus.

Comput. ann. 1239. ex Bibl. Reg. :

Abbatissa S. Antonii pro vi. Supertunicalibus emptis apud Pontisaram.

Rogerus Hoveden. pag. 619 :

In eum miserunt sagittas, ita ut etiam Supertunicale suum crudeliter perforarent.

Chronic. Ecclesiæ S. Pauli Narbonensis ann. 1242 :

Dominus Raimundus Comes Tolosæ, et Dominus Amalricus Vicecomes Narbonensis, pedibus et sine Supertunicalibus duxerunt Dom. Archiepiscopum, qui equitabat supra suum equum, per habenas, etc.

Vetus Rotulus ann. 1267 :

Pro capa, Supertunicali, corseto et houcia, 172. l. 19. s.

Alius ann. 1234 :

Pro Supertunicali D. Joannis de Bellomonte, etc.

Occurrit præterea in Concilio apud Campinacum ann. 1238. can. 25. Turonensi ann. 1239. can. 3. Budensi ann. 1279. can. 4. Toletano ann. 1324. can. 2. Andegavensi ann. 1365. can. 12. apud Radulphum in Vita S. Richardi Episcopi Cicestrensis num. 49. in Gestis Guillelmi Majoris Episcopi Andegav. cap. 15. et alibi in Historia Majorum Abbavillensium pag. 205. in Præceptis Synodalib. Petri de Collemedio Arch. Rotomag. in Concil. Hisp. tom. 4. pag. 613. apud Marten. tom. 4. Anecd. col. 956. 898. tom. 7. Ampl. Collect. col. 100. 1226. in Probat. Histor. Blesensis pag. 10. etc. Vide Mensale.