2. TABERNAGIUM, Tributum, quod pro facultate vini distrahendi a quocumque, etiam non tabernario, domino solvitur. Charta Hugon. episc. Autiss. ann. 1202. inter Instr. tom. 12. Gall. Christ. col. 146 :

A quibusdam etiam burgensibus, a nobis vel prædecessoribus nostris non emancipatis, habebamus jus exigendi singulos sextarios pro singulis modiis vini ab eis venditis, quæ consuetudo Tabernagium vocabatur.

Charta ann. 1330. in Reg. 3. Armor. gener. part. 2. pag. vj :

Item cum prædicti Rostangnus et Poncius tenerentur solvere Tabernagium dicto nobili domino Giraudo de vino, quod vendebant in temporibus banni.

Alia ann. 1332. inter Probat. tom. 1. Hist. Burg. pag. 531 :

Prior S. Johannis de Sinemuris in Auxeto dicatur habere certum Tabernagium in villa et castro de Sinemuris, super vino per burgenses dicti loci venditioni exposito.

Vide infra Tabernaria 2.