TABERNARE, Tabernam tenere, vinum singulatim distrahere, nostris Ataverner. Charta arrendat. gabellæ vini Avenion. ann. 1367. ex Cod. reg. 5956. A. fol. 70. r° :

Debeat solvere præfatus conductoribus seu firmariis.... octavum pretii totius vini, quod tempore præsentis arrendationis Tabernaverit seu ad minutum vel ad tabernam vendiderit, seu vendi et Tabernari quis fecerit.

Charta Petri cardin. ann. 1402. pro fundat. colleg. S. Cathar. Tolos. ex Cod. reg. 4223. fol. 158. v° :

Statuimus quod.... aliqualiter alicui singulari non permittatur introducere in dicto collegio vinum vel mercaturam publicam pro vendendo inibi, ne scolaribus detur occasio mercandi seu Tabernandi et se distrahendi ab exercitio studiali.

Consuet. Castel. ad Sequanam ex Cod. reg. 9898. 2 :

Se aucun de la ville de Chastillon veult vendre vin à ban,.... il peut Ataverner son vin sans amendes. Taverner

vero est Tabernas frequentare, in Lit. remiss. ann. 1407. ex Reg. 161. Chartoph. reg. ch. 260 :

Jehan le Picart, qui ne servoit (leg. scavoit) d'autre bien que de hazarder, Taverner et bordeler, etc.