TAGEWANE, Idem quod Tagdienst, Servitium diurnum, seu operarum manuariarum certis diebus exhibendarum. Charta Argentorat. ann. 1318. apud Schilterum in Dagewane :

Cum agris, pascuis, servitutibus, quæ vulgater (sic) dicuntur Tagewane, ac juribus, etc.

Docet ibidem laudatus Glossator, vocem Wan Celticam esse, reliquam in Suecica lingua, in qua Wanda est sollicite et cum cura aliquid elaborare et efficere : Vandad, sollicite factum ; Vandliga, sollicite, etc. Hinc efficit Tagewan seu Dagewan esse diurnam curam, operam : quod etiam dicitur de operis conductis, ut ex allato ibidem testimonio patet.