TALARIA, Glossarium mediae et infimae latinitatis, Du Cange et al.

« Talaria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 015c. http://ducange.enc.sorbonne.fr/TALARIA

TALARIA, Talares. Glossæ Gr. Lat. : ϓΥποδήματα, Talaria. Glossæ Lat. Gr. : Talaria, πέδιλα. Talare, περίσφυρον. Isidorus

lib. 19. cap. 34 :

Talares calcei, socci sunt, qui inde nominati videntur, quod ea figura sint, vel contingant talum ; sicut subtolares, quod sub talo sunt, quasi subtalares.

Fortunatus lib. 8. Poëmate 23 :

Cui das unde sibi Talaria missa ligentur ;

Pellibus et niveis sint sola tecta pedis.

Vide Subtalares.

P. Carpentier, 1766.

◊ Unde Gallicum Talaire. Comput. MS. monast. Clareval. ann. 1364. fol. 11. v° :

Pro duodecim Talaires pro retectoribus, j. flor.

L. Henschel, 1840–1850.

Tunica Talaria. Schol. MSS. ad Juven. Sat. 6. vers. 444. apud Maium in Glossar. novo : Ante Ciceronem ita mulieres et viri succingebant suas tunicas, quas subarmales vocant ; sed Cicero primus instituit, ut feminarum tunicæ ad talos usque dependerent, propter varices operiendas, quæ tunicæ Talariæ dicuntur.

Talares, Tali ipsi. Baldricus Noviom. lib. 1. cap. 56 :

Marcentibus nervis, Talares cruribus adhæserant, ac nulloconamine sejungi valerent.

Glossæ Lat. Gr. : Talares, ϰόνδυλοι χειρῶν. Talari, ϰόνδυλοι ποδῶν. Adde Glossas Gr. Lat. Vide Talatrum.