« »
 
[]« 1 taxa » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 041a. http://ducange.enc.sorbonne.fr/TAXA1
1. TAXA, Exactio, impositio, certum pretium, seu certa pecuniæ quantitas, per vim exacta : nostris Taxe, Italis Tassa, imposizione o composizione di danari da pagarsi. Charta Richardi II. Regis Angl. tom. 1. Monast. Angl. pag. 538 :
Impositiones, contributiones, Taxæ, quotæ, tallagia, vel auxilia, etc.
Thomas Walsinghamus pag. 243 :
Eo quod totiens non tam aporiassent quam dispoliassent patriam diversis Taxis, quas Gabelas appellant, etc. Taxas levare,
pag. 248. Bulla [] Sixti IV. PP. ann. 1427. in Continuatione Bullarii Rom. pag. 282. col. 2 :
Et quia propter assiduas guerras et novitates, quæ continue vigent in dicto regno, prætenditur Ecclesias, dum vacant, gravatas in Taxa etiam reformata in Concilio Constantiensi, quæ reducta est ad medietatem antiquæ Taxæ, quod gravatus in eadem Taxa Prælatus promovendus solvat communia, etc.
Adde Chronicon Angl. Th. Otterbourne pag. 153. Bullam sæcularizationis Monasterii Insulæ Barbaræ ann. 1549. tom. 1. Maceriarum ejusdem Cœnobii pag. 263. Glossaria Thomæ Blount in v. Tax et Lobinelli tom. 3. Hist. Paris. etc. Vide Taxare.
les Bénédictins de St. Maur, 1733–1736.
Taxatio, Eodem intellectu. Charta ann. 1363. ex Tabul. Sangerm. :
Cum dictum monasterium propter pressuram guerrarum, mortalitatum et aliorum onerum importabilium ac excessivam Taxationem, etc.
Vide Tapsatio.
les Bénédictins de St. Maur, 1733–1736.
Taxa Gentium, Certus militum numerus, quo quis ad commune bellum pro sua parte fungi debet, Gall. Contingent. Legatio Sigismundi Rom. Regis ad Eugenium IV. PP. ann. 1432. apud Marten. tom. 8. Ampliss. Collect. col. 87 :
Tam litteris quam nunciis mandavit et disposuit, ut hi qui Taxam gentium sibi impositam in exercitu suo non habuerunt, eamdem mox ad fronterias Bohemiæ ad gentes tres menses ibidem moraturas contra hæreticos mitterent, etc.
Vide Talia 4.
P. Carpentier, 1766.
Taxa Equorum, Tributum, quod pro equis, quos quis habet, exigitur, vel servitium cum equis. Annal. Placent. ad ann. 1451. apud Murator. tom. 20. Script. Ital. col. 902 :
Omnes fere nobiles et cives cum familiis suis venerunt Placentiam timore decreti ducalis super hoc emanati, quod aliter cum rusticis describerentur, et onera salis, Taxæ equorum et carrigii, quæ profecto sunt maxima, cum illis supportarent.
Ibid. col. 908 :
Item, quod non solvant corrigia. Item, quod non solvant Taxas equorum, nisi per sex menses anni.
© École des chartes.