TELON, Glossarium mediae et infimae latinitatis, Du Cange et al.

TELON, Teloneum, Toll, Tolnetum, etc. Tributum de mercibus marinis circa littus acceptum, Ugutioni. Glossæ vett. : Teloneum, quasi omnium littorum fiscalis conductio. Ita emendandum pro Telonem quasi omnium littorum, apud Isid. in Gloss. ex Gr. τέλος, et τελώνιον. Hesychius :

Τέλος, τὸ ϰαταϐαλλόμενον τοῖς τελώναις.

Glossæ vett. : Portorium, τελωνεῖον. Portitor, τελώνης. Nicephorus Xanthopulus in Synaxario Dominicæ publicani :

Τελώνης δέ ἐστιν ὁ τὰ τέλη ἀπὸ τῶν ἀρχόντων λαμϐάνων, ϰαὶ δι᾽ ἄϰραν ἀδιϰίαν ὠνούμενος, ϰαὶ παραϰερδαίνων ἐντεῦθεν.

Teloneum, Telonium, vox passim obvia.

P. Carpentier, 1766.

Theloneum de Terra vel de Plumis, in Charta Phil. comit. Fland. ann. 1163. pro incolis Novi-oppidi, nunc Noviportus, ex Chartul. 1. Fland. in Cam. Comput. Insul. ch. 325 :

Concessi etiam oppidanis meis de Novo oppido, quod quicumque ibi manserit ab omni Theloneo, nisi sit de terra vel de plumis, liber erit. Thounier,

inter Redit. comitat. Namurc. ann. 1289. ex Reg. ejusd. Cam. sign. Le papier aux aysselles fol. 73. r° :

Encor i a li cuens le Thounier de la merchenerie, ki vat par an vj. lib. et x. sols..... Encor i a li cuens le Thounier de le noueve scoherie.

les Bénédictins de St. Maur, 1733–1736.

Teloneatus. Concilium Sanctonense ann. 1095. apud Marten. tom. 4. Anecd. col. 123 :

Si mercatores transierint per istam terram, et non reddiderint pedagium et Teloneatum, etc.

les Bénédictins de St. Maur, 1733–1736.

Teleonum, in Bulla Frederici Imp. ann. 1157. in Instrum. Gall. Christ. novæ edit. tom. 4. col. 17.

les Bénédictins de St. Maur, 1733–1736.

Tallonarium. Charta Lotharii Imp. tom. 5. SS. Junii pag. 485 :

Cum ritratibus, Tallonariis, quatisoniis, etc.

In Confirmatione ejusd. Chartæ legitur ibidem :

Cum..... riparibus, portubus, ripis, Teloneis, quartisinis, etc.

les Bénédictins de St. Maur, 1733–1736.

Taulagium, Gall. Tonlieu. Literæ Philippi Pulchri Franc. Reg. ann. 1291. tom. 4. Ordinat. pag. 23 :

Quilibet mercator extraneus habens trossellum vel plures troussellos in dictis nundinis, pro introitu et exitu et Taulagio et pro leuda det quatuor denarios Tolosanos.

Vide hanc vocem suo loco. Atque ita legendum esse omnino videtur pro

les Bénédictins de St. Maur, 1733–1736.

Tanlagium, in Statutis Edwardi I. Regis Angliæ apud Rymer. tom. 2. pag. 262 :

Quilibet mercator extraneus, qui habeat trossellos multos et trocellum in dictis nundinis, dabit nobis pro intragio et exitu et Tanlagio et pro leuda 4. denarios.

les Bénédictins de St. Maur, 1733–1736.

Telleneus, in Charta ann. 692. apud Felibianum Hist. San-Dionys. pag. xii.

les Bénédictins de St. Maur, 1733–1736.

Teloneus, in Capitulari ann. 779. cap. 18. apud Miræum tom. 1. pag. 241. et alibi.

Theloneus cum aspiratione post T. Capitula ad Leg. Salicam cap. 1. § 18 :

Theloneus aut census non exigatur a quolibet, etc.

Speculum Saxonicum lib. 2. art. 27. § 1 :

Valvarum, pontium, sive aquarum Thelonium.

§ 2.

Theloneum forense,

quod ex foro exsolvitur.

les Bénédictins de St. Maur, 1733–1736.

Theloneagium, in Charta ann. 1233. cujus locus exstat in Timonagium post Temonaticum. Passim etiam

Tholoneum, in Capitul. Caroli M. lib. 2. cap. 19. lib. 3. cap. 12. 54. lib. 4. cap. 31. et alibi non semel. Unde nostrum Tonlieu.

Tollonium, pro Telonium, in Monast. Anglic. tom. 2. pag. 190 :

Ut nec Tollonium, nec stallagium reddant.

Telon. Simeon Dunelmensis ann. 884 :

Marinus Papa scholam Saxonum in Roma morantium....... ab omni tributo et Telone liberavit.

Vide eumd. ann. 1031.

Thelon. Papias : Thelon, Græce et Latine vectigal interpretatur. Florentius Wigorn. ann. 1041 :

Ut Scholam Anglorum ab omni tributo et Thelone liberaret impetravit.

Tello, Telloneus, apud Chrodegangum in Regula Canonicorum Metensium cap. 29.

les Bénédictins de St. Maur, 1733–1736.

Telonarium. Diploma Caroli M. in Instrum. novæ Gall. Chr. tom. 2. col. 179 :

Ita ut nullus ecclesiasticus....... gadium, nec Telonarium, nec aliquam justitiam per vim exsolveret.

Adde Chronicon Danduli apud Murator. tom. 2. col. 190.

les Bénédictins de St. Maur, 1733–1736.

Theoloneum, in Chartulario S. Vincentii Cenomanensis fol. 19.

les Bénédictins de St. Maur, 1733–1736.

Theolonia, fem. gener. in Literis Edwardi I. apud Rymer. tom. 2. pag. 293.

les Bénédictins de St. Maur, 1733–1736.

Theolonium, apud eumd. Rymer. tom. 2. pag. 918. tom. 8. pag. 2. tom. 11. pag. 732. et in Actis SS. Aprilis tom. 2. pag. 705. col. 2.

Theunuarium, Eadem notione, si

tamen lectio sana est. Charta ann. 1242. e Tabulario S. Nicasii Rem. :

Quos xx. solidos dicte capelle annuatim in perpetuum in Theunuario fori contuli percipiendos.

les Bénédictins de St. Maur, 1733–1736.

Toleneum, in Charta Berengarii Regis ann. 950. apud Ughell. tom. 2. Ital. Sacræ col. 104. edit. 1717.

les Bénédictins de St. Maur, 1733–1736.

Toloneum, in Chronico Farfensi apud Murator. tom. 2. part. 2. col. 441. Tolomeum vini, apud Rolandinum Patavinum lib. 7. cap. 2. tom. 8. ejusd. Murator. col. 272. ubi Codices Estens. et Ambros. habent Toloneum.

L. Henschel, 1840–1850.

Telonicum Transitus. Chart. Carol. IV. Imperat. ann. 1356. apud Haltaus. Glossar. German. col. 246. voce Durchzoll :

Sicut....... habere et possidere noscuntur (jus) Thelonici transitus, quod vulgariter Durchczoll dicitur.

Teloneum, Locus, in quo telonearius suas ex teloneis coactas pecunias asservat. Liber de Miraculis et transitu S. Nicolai Myrens. :

Erat autem ipse telonearius. Quadam autem die posuit ipsam iconam ante Teloneum suum, ubi erant omnia, quæcumque habebat, aurum et argentum, vel vestes, etc.

Occurrit ibi non semel. Papias : Teloneum, dicitur ubi merces navium, et nautarum emolumenta redduntur : ibi enim vectigalis exactor sedet, pretium rebus impositurus, et voce a mercatoribus flagitans. Eadem leguntur in Glossis Biblicis MSS. anonymi ex Bibliotheca regia. Ex Isidori Originibus lib. 15. cap. 2. sect. 45.

Telonarius, Telonearius, Portitor, τελώνης. W. Brito : Telonearius dicitur, qui exigit tributum. Glossarium Lat. Gall. : Telonarius, Changeur, ou qui recoit truage. Aliud Sangerman. MS. : Telonarius, Changeur, vel qui exigit tributum. Lex 3. Cod. Theod. de Indulg. debit. (11, 28.) :

Conductores diversorum portuum et vectigalium, publicani etiam ac Telonarii, etc.

Concilium Matiscon. I. cap. 13 :

Ne Judæi Christianis populis judices deputentur, aut Telonarii esse permittantur.

Adrevaldus lib. 1. de Mirac. S. Benedicti cap. 19 :

Ad urbem pervenit Aurelianum, ibique a Telonariis civitatis detenta, (nave) rector navis, vectigalis gratia, quæstioni subjicitur.

Matth. Paris ann. 1247 :

Fratres Minores et Prœdicatores, quos, ut credimus, invitos jam suos fecit dominus Papa, non sine Ordinis eorum læsione et scandalo, Telonearios et bedellos.

Occurrit præterea in Lege Wisigoth. lib. 11. tit. 3. § 2. in Legibus Ladislai Regis Hungar. lib. 2. cap. 7. in Epistola Zosimi PP. in Temo 2. laudata, in Charta Chlodovei tom. 1. Maceriar. Insulæ Barbaræ pag. 35. in Capitulari de Villis Caroli M. cap. 10. etc. Statuta pro vendentibus pisces marinos ann. 1320. art. 4. apud de Lauriere tom. 2. Ordinat. Reg. pag. 579 :

Li Tonloiers des halles de Paris ne peult, ne doibt rien louer hors des couvertures des halles au poisson.

Magnum Tabularium Corbeiense :

Item tous les Tonlius des denrées c'on vent et acate à Corbie est siens, (à l'Abbé) car il est Tonloiers de ledite ville.

Ubi Telonarius dicitur is, ad quem teloneum ipsum pertinet, Toulaier vero Telonei exactor, dicitur in Regesto laudato v. Oiancia, ut et Toulé, ipsum Teloneum.

Thelonitarius, vel Thelonarius, etc. in Legibus Colomani Regis Hungariæ lib. 1. extremo : Egressuri de Hungaria Thelonariis tam Regis quam Comitis. qui exitus tenent, sigillum quærant pro Thelonitariis, quod Thelonitarius Regis ab una

parte cum sigillo comprimat, ab altera parte Theolonarius figuram Comitis sui concludat. In Glossis Græc. Lat. lego τελώνιον, vectigal, telonatum, mancipatum. Ita cod. MS. Rursum memorantur Thelonarii in Literis Sigismundi Regis Rom. apud Marten. tom. 8. Ampl. Collect. col. 12. Thelonearii, in Privilegio Leduini Abb. S. Vedasti Atrebat. ann. 1036. e Chartulario V. ejusd. Monasterii pag. 243.

P. Carpentier, 1766.

Tolonearius, Thelonei exactor. Pact. inter Odon. episc. Paris. et Joan. abb. S. Genov. ann. 1202. inter Instr. tom. 7. Gall. Christ. col. 227 :

Extra septa canonicorum sex servitores, scilicet tres escuerii abbatis, unus serviens capicerii, unus clauserius vinearum, unus Tolonearius.

Vita J. C. MS :

Chil Mahieus estoit Tonloiers.

les Bénédictins de St. Maur, 1733–1736.

Theoloniator, in Charta ann. 1565. apud Steyer. in Commentariis pro Historia Alberti II. Ducis Austriæ col. 426.

Tolonearius, Dignitas Palatina apud Reges nostros, qui regni omnibus portitoribus præerat, et ab ipsis Portoria recipiebat. Hincmarus Remensis Opusc. 35 :

Non solum eorum querela, quorum causa usque ad alium tractatum diffinienda remansit ; verum et quæ, ut dixi, in Domini Regis præsentia electorum judicum sententia diffinita fuerunt, sine Metropolitani conscientia, sineque Canonico et Episcopali judicio. per judices seculares Helmigarium scilicet Mercati Palatii Tolonearium, et Flotharium ac Ursionem villarum Regiarum Majores refricarentur contra Canones, etc.

Cellotius in Concilio Dusiensi habet Telonearium. Vide Alcuinum Epist. 74.

Toll, vel Toln, Tolonium, Anglis Toloneum, ab eodem fonte, quo Teloneum ; nostris Tonlieu. Proprie vero Fletæ lib. 1. cap. 47. § 8.

est acquietantia telonii ubique in Regno

. Cowello,

regale privilegium, quo qui fruitur, immunis est a gabellis

. Willelm. Thorn. :

Hoc est quod vos et homines vestri de toto homagio et servitio vestro sitis quieti in omnibus mercatis de Tolneto de rebus emptis et venditis.

Leges Edwardi Confess. cap. 24. 22. :

Thol, quod nos dicimus Tolonium, est scilicet quod habeat libertatem vendendi et emendi in terra sua.

Atque hac notione usurpatur in Monastico Anglicano tom. 1. pag. 15. 16. 156. tom. 2. pag. 190. 191. 300. apud Bractonum pag. 424. Thomam Madox Formul. Anglic. pag. 47. etc. Chartularium Beccense :

Toll, estre quitte de turnus : c'est costume de marché.

Vide Graff. Thesaur. Ling. Franc. tom. 5. col. 659. voce Zol.

les Bénédictins de St. Maur, 1733–1736.

Tool, Toollum. Charta ann. 1165. apud Stephanotium tom. 5. Fragm. MSS :

Item prædictæ Rochæ dedit Willelmus Marchio quidquid juris habebat in Tool prænominato Abbati cum hospitali, eo tamen tenore, quod quidquid modo est ibi, vel aliquo tempore, per Marchionem vel per alios ibi injuria Toolli acquisitum fuerit, hospitalis esse debeat,

sive Parthenonis B. M. de Roia in Monte-ferrato.

Tholneum, Eadem notione tom. 1. Monast. Anglic. pag. 767. Locus exstat in Blodwita.

les Bénédictins de St. Maur, 1733–1736.

Tolneum, apud Madox Form. Angl. pag. 116.

les Bénédictins de St. Maur, 1733–1736.

Tonleium, in Charta Communiæ Compendii ann. 1186. apud Baluz. tom. 7. Miscell. pag. 315. in alia Lorriaci ann. 1187. apud Thomasser. in Biturig. pag. 394. alia ann. 1199. Ibid. pag. 416. alia ann. 1196. tom. 4. Ordinat. Reg. Franc.

pag. 63. ubi Touleyum, legitur ; in alia ann. 1235. e Chartulario B. Magdal. Castridun. et alibi passim.

P. Carpentier, 1766.

Tonleum, in Libert. Mailliaci ann. 1229. tom. 5. Ordinat. reg. Franc. pag. 717. art. 26 :

Quicunque in foro Mailliaci sive in feria emerit aliquid vel vendiderit, et per oblivicionem Tonleum suum retinuerit, etc. Tonneur,

eadem acceptione, vel pro Tonlei exactor, in Pacto ann. 1314. inter Guill. de Domnopetra dom. S. Desid. et monach. de Spinosa valle, ex Reg. 59. Chartoph. reg. ch. 579 :

Sus nostre Tonneur de saint Disier xxxix. livres de Tournois petiz, monnoie coursable.

les Bénédictins de St. Maur, 1733–1736.

Tonlaium, in Charta ann. 1258. apud Thomasserium in Consuetudinib. Bituric. pag. 156.

les Bénédictins de St. Maur, 1733–1736.

Tonlium, in Diplomate Ludovici Reg. Franc. ann. 1159. ex Archivo Floriacensi Tonliu vernacule in Tabulario Calensi pag. 171. Tonnelieu, in Litteris Caroli V. Reg. Franc. ann. 1370. tom. 5. Ordinat. pag. 333. Tonlin ejusdem soni gratia usurpat MS :

Cil qui sires est de la foire,

Doit par tout prendre son Tonlin ;

Et qui ne put à un moulin, etc.

les Bénédictins de St. Maur, 1733–1736.

Tonlerium, in Litteris Philippi I. Franc. Reg. ann. 1106. tom. 4. Ordinat. pag. 342.

les Bénédictins de St. Maur, 1733–1736.

Tonloneum, in Litteris Ludovici Jun. ann. 1138. apud D. Brussel tom. 1. de Feudorum usu pag. 507.

Tolnetum, Idem quod Teloneum. Lexicon Cambro-Britannicum : Toll, telonium exigere. Vox vero Tolnetum occurrit non semel in Chartis Anglicis tom. 1. Monastici Anglicani pag. 156. 321. 322. 324. tom. 2. pag. 55. 190. 191. 349. etc. in Fleta lib. 1. cap. 38. § 7. etc. apud Rymerum tom. 12. pag. 704. tom. 15. pag. 661. etc.

Toletum, Eadem, ni fallor, notione, pro Tolnetum, in Charta Ottonis III. Imperat. ann. 985. apud Maximilianum Henricum in Apologia pro Archiep. Colon. pag. 2 :

Tam in bonis quam Toletis.

Quæ verba pluries ibi occurrunt.

les Bénédictins de St. Maur, 1733–1736.

Teonnium, Idem quod Teloneum, in Fragmento de Rebus Ludovici VII. Fr. Regis apud Duchesnium tom. 4. pag. 437. Tomneu et Tonneu, in Declaratione Gallica ann. 1383. apud D. Brussel tom. 2. de Feudor. usu pag. 757.

les Bénédictins de St. Maur, 1733–1736.

Theloneagium, portagium, rotagium, minagium, in Bulla Innocentii II. Papæ, e Tabulario S. Nicasii Remensis.

les Bénédictins de St. Maur, 1733–1736.

Thelonearium, Eadem significatione, in Charta ann. 1087. inter Instrum. Gall. Chr. novæ edit. tom. 5. col. 325.

les Bénédictins de St. Maur, 1733–1736.

Tunleium. Charta ann. 1083. apud Lobinell. tom. 2. Hist. Britan. col. 173 :

Dedi etiam eis pedagium et Tunleium de omnibus, quæ vendiderint vel emerint homines illorum stationarii in mansura sua de Chameriaco.

Ibid. col. 174 :

Reddiderunt.... dimidium pedagium et dimidium Tunleium de hominibus suis manentibus in mansura sua et in pago suo de Chameriaco.

Alium locum vide in Tinnulus.