3. TEMPERARE, Mature ire, rem sapienter disponere. In Statutis Leprosariæ S. Juliani in Anglia, in Additam. ad Matth. Paris pag. 168. habetur caput, de Horis Temperandis. Mox sequitur :

Mane campana pulsata ad horas Canonicas audiendas omnes surgant, etc.

Mox :

Illud mane sic Temperatur, ut nulli sit onerosum ; sed ad aisiamentum omnium infirmorum, ut nullus possit se excusare, nisi graviori infirmitate fuerit detentus.

Nescio an alia notione usurpet lib. 1. Sacrament. Eccl. Romanæ cap. 43 :

Et sic Temperent, ut in Trinitatis numero Litaniæ fiant.

Vide Horologium et Temperius.