2. TERMINARIUS. Terminarii in ordine Lectorum, quorum primus Summus Terminarius nuncupatus, recensentur ultimi in Ordin. eccl. Ambros. Mediol. ann. circ. 1130. apud Murator. tom. 4. Antiq. Ital. med. ævi col. 861 :

Deinceps autem primicerius sexdecim lectorum, et magister cum supradictis adscribitur. Prior tamen numero illorum sexdecim secundicerius, id est, vicarius primicerii, et quatuor post hunc sequentes clavicularii dicuntur. Residui vero undecim Terminarii appellantur.

Ibid. col. 899 :

Similiter dat (panem) omnibus subdiaconis, et quatuor claviculariis, et secundicerio, et summo Terminario, et duobus lectoribus, qui portant duas cruces in capitibus arcæ, etc.

Vide Terminator 1.