TIHLA, seu tihtla, Saxonibus Accusatio, postulatio, compellatio, quasi titulus accusatorius. Leges Canuti Regis Angl. cap. 62 :

Si quis amicis destitutus, vel alienigena ad tantum laborem veniat, ut plegium non habeat in prima Tihla, i. accusatione, ponatur in carcanno.

Leges Henrici I. Angliæ Regis cap. 9 :

Differt etiam an aliquis cum suo vel alterius homine causam agat, et si quid in actu, vel in sola Tihla consistat.

Cap. 45 :

De nemore in operato per Tihlam nemo respondeat, nisi sit ibi captus, vel sit homo ejus, cujus est nemus.

Cap. 57 :

Inter homines aliorum Comitatuum observetur, et de Tihla pariter veniant in curias, etc.

Adde cap. 59. 64.