TOLTA 1, Glossarium mediae et infimae latinitatis, Du Cange et al.

1. TOLTA, Exactio, quæ per vim fit, quod contra jus tollitur, quodvis tributum, etc. Charta Radulfi de Balgentiaco ann. 1085. in Tabul. Vindocinensi :

Nullam Toltam faciet eis in mercato suo, neque in tota terra Monachorum, nec quæstionem cujuscumque rei nec quispiam suorum, nisi Monachi concesserint.

Alia Philippi I. Reg. Franc. eod. anno ex Tabul. Maurigniac. :

Auctoritate regiæ majestatis inhibemus quod nullus præpositus... in ipsa violentiam seu Toltam facere præsumat.

Alia ann. 1092. apud Beslium pag. 496 :

Et nulla vis alia, vel injuria, vel Tolta inferatur.

Charta Philippi Aug. ann. 1190. apud Rigordum, et de Lauriere tom. 1. Ordinat. Reg. pag. 20. :

Prohibemus etiam universis Prælatis Ecclesiarum, et hominibus nostris, ne talliam vel Toltam donent, quamdiu in servitio Dei erimus.

Alia D. de Termes ann. 1208. in Regesto Carcassonensi Cameræ Computor. Parisiens. fol. 19 :

Propter oppressiones, Toltas, forcias, violentias, et rapinas, quas faciebamus.

Charta Thomæ Comitis Sabaudiæ ann. 1226. apud Guichenonum :

Immunitatem exactionum et Toltarum.

Occurrit rursus in Charta ann. 1128. Marcæ Hispan. col. 1267. in alia ann. 1170. ibid. col. 1352. in alia ann. 1166. inter Probat. novæ Hist. Occitan. col. 607. in Libertatibus Calmæ concessis ann. 1209. tom. 1. Hist. Dalphin. pag. 19. edit. Genev. unde emendanda editio Paris. pag. 21. ubi perperam legitur Tola ; in Statutis Montis

Olivi ann. 1251. tom. 1. Anecd. Marten. col. 967. 968. in Saisimento Comitatus Tolosæ ann. 1271. et alibi passim. Vide Doubletum pag. 887. Galliam Christianam Sammarthan. tom. 4. pag. 128. Catellum in Comitib. Tolosan. pag. 226. Plantavitium in Episcopis Lodovensib. pag. 106. Monasticum Anglic. tom. 1. pag. 763. etc.

Touta. Libertates oppidi Jasseronis in Sebusianis ann. 1283 :

Nec dare teneantur nobis vel aliis Toutam, talliam, charreamen, corvatam, etc.

Synodus Nemausens. ann. 1284 :

Usura et indebita extorsio, talliæ, questiæ, vel Touttæ, etc.

Adde Statuta ejusd. Eccl. tom. 4. Anecd. Marten. col. 1030. Libertates Moirenci ann. 1164. tom. 1. Hist. Dalphin. pag. 16. Literas ann. 1079. tom. 4. Ordinat. Reg. Franc. pag. 45. Chartam ann. 1194. inter Instrum. Gall. Chr. novæ edit. tom. 6. col. 142. aliam ann. 1224. tom. 1. Maceriarum Insulæ Barbaræ pag. 136. etc. Charta Catharinæ Comitissæ Blesensis et Clarimontis ann. 1202. in Tabul. Abb. Frigidi montis :

Unum quarterium vini, quod annuatim mihi reddebatur de exactione, quæ vulgo appellatur Toute.

les Bénédictins de St. Maur, 1733–1736.

Tulta. Charta ann. 1160. ex Archivo S. Victoris Massil. :

Malos vero usus, Tultas, tortitudines, districtiones.... funditus abrenuntiamus.

Alia ann. circiter 1128. in Probat. Histor. Occitan. tom. 2. col. 445 :

Nec facient ibi Tultam, nec quistam.

Occurrit alibi non semel.

Tutta. Charta Amedei III. Sabaudiæ Comitis, apud Guichenonum :

Insuper remitto omnes injurias, et omnes Tuttas et bannos, et cavalcatas, etc.

P. Carpentier, 1766.

◊ Tolte, in Lit. Ferrici ducis Lothar. ann. 5126. tom. 7. Ordinat. reg. Franc. pag. 363. art. 1.

Tollere, Tributum exigere. Tabularium Majoris Monasterii ch. 129 :

Nobiscum hanc etiam firmavit convenientiam, ut in terris S. Martini nihil amplius Tollat, aut Tollere faciat.

Tolta Mala, vel Malatolta, Mautota, Malum vel indebitum tributum ; pecunia a subditis injuste et vi et male ablata sub specie telonei aut vectigalis. Galli enim Mautolu dicebant, pro re per vim et contra jus sublata, ut ex Petro de Fontanis liquet c. 12. § 3. Matth. Paris :

Mercatores... erant et vendebant sine Toltis malis.

Malatolta. Charta Philippi Pulchri ann. 1309. pro Burdegalensib. in Regesto Constabulariæ Burdegal. f. 144 :

Assisiam seu coustumam, quæ in illo loco et locis circumvicinis Malatolta vulgariter nuncupatur.

Charta Comitis Flandriæ ann. 1230. in Hist. MS. Remensi Joannis Rogerii :

Super assisia quadam apud Duacum, quæ vocatur Malatolta.

Charta Philippi Aug. ann. 1214. in Normannicis Duchesnii :

De Malatolta, quam Joannes Rex Angliæ et sui imposuerunt, sic erit.

Th. Walsinghamus in Ricardo II. pag. 282 :

Postquam mercatores Angliæ concessissent Regi pro subsidio consuetudines lanarum iterum, quas Maltot vulgares appellant.

Charta ann. 1056. apud Chiffletium in Trenorchio :

Remoto omni viatore sive præposito et Mala tolta, absque mala consuetudine, etc.

Alia Petri Regis Castiliæ ann. 1366. apud Seldenum de Titulis honorariis pag. 267 :

Sint immunes ab omni pedagio, leuda, costuma, Maletota, seu aliis quibusvis impositionibus.

Consuetudines MSS. Villæ de Saissano ann. 1288 :

Consules possint levare soquetum sive Malam-toltam, videlicet de 17. cartonibus vini medium cartonum vini sive ejus pretium.

Litteræ ann. 1358. inter Ordinat. Reg. Franc. tom. 3. pag. 255 :

Et quod nichilominus a Malatota veteri quatuor denariorum pro libra, vocata Buta Lombardorum et a duobus denariis, qui solvuntur pro clavaria Aquarummortuarum pro intuîtu (introitu) et exitu regni prædicti, etc.

Alias adde Litteras Johannis Fr. Reg. ibid. pag. 478. Conventiones ann. 1220. apud Marten. tom. 1. Ampliss. Collect. col. 1145. Chronicon Cornelii Zantfliet tom. 5. ejusdem Ampl. Collect. col. 145. 272. 397. 1113. Statuta Vercell. fol. 132. v°. Statuta Montis-reg. pag. 286. etc. Guillel. Guiart sub ann. 1302 :

Mut à Bruges un mortel contens,

Entre les grans et menus gens,

Et fust empris et soustenus,

Ce dit-il sus qui ge m'accoste,

Par raison de la Maletoste,

Con ot illenc alevée,

Car la gent s'en mit à grevée.

Vide Hemeræum in Augusta Virom. in Regesto pag. 58. Hanc vocem agnoverunt etiam Lusitani. Charta Joannis II. Episcopi Portensis in Lusitania era 1364. apud Rodericum da Cunha in Hist. Episc. Portens. part. 2. pag. 138 :

Mandovos que metades o nosso Cabido do Porto, ou outrem por el em seu nome em corporal possiçon da terça parte dos dereitos et dos rendas da Maltosta, et dos almudes, dos pesos que a nossa igreja ha de aver na nossa cidade do Porto.

P. Carpentier, 1766.

◊ Malatolta etiam dicta Ordinatio regia, qua tributum aliquod decernitur. Lit. Joan. locumten. senesc. Bellic. ann. 1296. in Cod. reg. 8409. fol. 68. r° :

Cum dominus noster senescallus nobis.... dederit in mandatis, ut quandam ordinationem factam a domino nostro rege Francorum,.... quæ ordinatio Malatolta appellatur, publicaremus, etc.

les Bénédictins de St. Maur, 1733–1736.

Malatosta. Litteræ Johannis Comitis Carnot. ann. 1222 :

Noverint universi, quod ego volo et concedo, quod Malatosta, que loco talie erat imposita super pannos burgensium Carnotensium de riparia a festo S. Michaëlis proximo venturo in antea nullo modo capiatur.

Rursum occurrit in Charta ann. 1219. apud Lobinell. tom. 2. Hist. Britan. col. 375. et alibi. Imposition ou Malletoste empetrée, in Charta ann. 1340. ex Tabular. Corbeiensi.

les Bénédictins de St. Maur, 1733–1736.

Malatoxa, in Charta Hervei Comitis Nivern. ann. 1200. ex Archivo B. Mariæ de Charitate.

les Bénédictins de St. Maur, 1733–1736.

Maltolta, Eodem sensu. Charta Philippi VI. Reg. Franc. ann. 1339. ex Chartular. 23. Corb. :

A nobis litteras impetrarunt super concessione dictæ impositionis seu maltoltæ, etc.

Malatolla, et Malatolia habet Henricus Knyghton lib. 3. de Event. Angl. c. 5. 11. Maletorth lib. 4. ann. 1363. sed ibi legendum Malatolta et Maletot ; nec est, quod Somnerus ad vocem toll nos deducat, quæ Anglis vectigal et telonium significat ; est enim Malatolta, res injuste ablata, seu, ut tunc loquebantur, tolta, vel tulta. Tabularium Hospitalis Montis-Maurilionis in Pictonibus :

Ego Islebertus de Castillione dono domui pauperum Christi de Mommorlione omnem consuetudinem et omnem Mautotam quadrigarum per omne tempus.

◊ Ejusmodi porro exactiones contra jus inductæ, informia vectigalia appellantur a Sidonio in Panegyrico Aviti ; Indebitæ consuetudines et exactiones, in Synodo

Belvacensi ann. 845. c. 5.

Injustæ calumniæ, malæ consuetudines immissiones pessimæ,

in Charta Roberti Regis Franc. ann. 1055. ex Tabular. S. Germani Pratensis. Malæ consuetudines, in Legibus Henrici I. Regis Angl. cap. 1. apud Gregorium VII. PP. lib. 7. Epist. 19. apud Lucam Tudensem in Chronico pag. 80. Hugonem Flaviniacensem pag. 246. Ordericum Vitalem lib. 10. in Charta Hugonis VI. D. de Leziniano ex Tabulario S. Maxentii, etc. Consuetudines injuriosæ, in Charta ann. 1067. apud Hemeræum in Aug. Viromand. Perniciosæ et noxiæ consuetudines, in Tabul. Prioratus de Paredo. Consuetudinaria gravamina, in Chronico Mauriniacensi pag. 360. Falsæ consuetudines, in Chron. MS. Bertrandi du Guesclin :

Toute fausse coustume vous sera abaissée.

In veteri Regesto :

C'est le temps que la fausse coustume commença à Rouen, c'est assavoir depuis l'an 1297. jusques à l'an 1312. Injustæ consuetudines, pravæ invasiones,

in Charta Wlgrini II. Comitis Inculismensis in Tabulario S. Eparchii. Malæ captiones, in Charta Willelmi III. Comitis Arvernensis. Exactiones injustæ, in Legibus Willelmi Nothi cap. 55. Mali usus, in Charta ann. 1103. apud Sammarthanos in Archiepiscopis Aquensibus ; Toltæ et mali usus, in Charta Mathildis Comitissæ apud Ughellum tom. 2. Italiæ sacræ pag. 217. Prava usatica, in veteri Tabula marmorea, characteribus aureis exarata, quæ exstat in publica Montiliensis oppidi Domo, 4. bullis plumbeis munita, quam, ut insigne Ademariorum familiæ antiquitatis monumentum, hic ex Schedis Peirescianis inserere placuit :

Anno ab Incarnatione Domini mcxc. octavo, Ego Gerardus Aemarius, et ego Lambertus, nos duo Domini Montilii, per nos et per nostros bona fide, et sine dolo, ex mera liberalitate, et spontanea voluntate donamus, et titulo perfectæ donationis concedimus omnibus nostris de Montilio præsentibus et futuris libertatem talem, ne de cætero toltam, vel quistam, vel aliquam novam exactionem, vel Prava usatica in eis faciamus, vel aliquo modo fieri permittamus, nec eis per vim, vel per aliquam forciam, gravamen aliquid, vel jacturam, nisi juris vel justitiæ debito conabimur inferre. Quod si nos vel aliquis successorum nostrorum predictam donationem et libertatem quocunque modo violare tentaverit, jam dictos omnes omines nostros et res eorum in villa Montilii sub dominio nostro in præsenti, vel in futuro existentes, ab omni jure, fidelitate et ominio absolvimus, et ut omnia, sicut superius scripta sunt, fideliter observemus, et nullo tempore contraveniamus, tactis sacrosanctis Evangeliis juravimus.