2. TOMUS, Certa chartarum seu membranarum collectio, quomodo dicimus nunc Main vel Rame de papier. Diploma Chilper. II. ann. 716. tom. 4. Collect. Histor. Franc. pag. 694 :

Carta Tomi quinquaginta.

Nisi codices simul ex chartis vel membranis compactos intelligas. Vide Tomus 1. et supra Carticius. Nugatur itaque D. de Foy, qui tom. 1. Notit. Diplom. ad Hist. Franc. pertinentium pag. 109. hæc Gallice sic reddit :

Cinquante bouts de cervelats.

Hinc et ex aliis scite omnino colligit ille suspicari posse Benedictinos Corbeïenses tum a carnibus abstinuisse. Neque feliciori conjectura plerasque hujus diplomatis voces interpretatur, ut videre est in his suo ordine dispositis.