TRAGEMATA, Τραγήματα, Bellaria. Papias : Collibia sunt apud Hebræos, quæ nos vocamus Tragemata, vel alia munuscula, ut cicer frixum, uva passa, poma diversi generis. Regula S. Pachomii cap. 37 :

Qui ante fores convivii erogat fratribus Tragematia, in tribuendo meditetur aliquid de Scripturis.

Cap. 52 :

Si vero sint Tragematia, vel poma, dabit ei janitor ex his comedere, quæ poterit, etc.

Vita B. Veronicæ de Binasio cap. 9 :

Vasa quædam afferri vidit lignea præclare elaborata, quibus ex saccharo delicatiora quædam composita servabantur, quæ Tragimata vocamus.