1. TRANSGULARE. Ugutio et Joannes de Janua : Transgulare, ultra gulam deorsum immittere, scilicet, transglutire. Gloss. Lat. Gall. : Transgulare, Transgloutir outre, devourer. Goffridus Vindocinensis lib. 4. Epist. 22 :

Habuerunt itaque escas, sed in escis illis retia, quibus capti, et hamum quo sunt Transgulati, invenerunt.

Alia forte notione vocem hanc videtur usurpare Gilbertus Porretanus Episc. Pictav. in proœmio ad Commentar. in Boëtii librum de S. Trinitate :

Et ne vel timiditatis angustia nos ad silentium penitus Transgulare, vel temeritatis audacia ad garriendum laxare putetur, etc.

Id est, cogere.