2. TRANSITORIUM, Pars liturgiæ sacræ, in Ordine eccl. Ambros. Mediol. ann. circ. 1130. apud Murator. tom. 4. Antiq. Ital. med. ævi col. 893. ubi de Feria v. hebdom. S. :

Missa vero ordine suo agatur, usque dum diaconus dicit :

Offerte vobis pacem,

et tamen non dicat et archiepiscopus non det pacem ministris.

Transitorium : Tristis est anima mea usque ad mortem :

Tunc archiepiscopus communicet cum clero et populo. Sic missa compleatur secundum morem.

Ibid. col. 899. ubi de die Paschæ :

In ultimo vero officii Paschæ canitur

Alleluia.

Transitorium vero canit chorus, magistro lectorum incipiente, reiterando cum

Gloria. Occurrit rursum ibid. col. 905. Vide Transitus 2.