TRENTALE. Charta ann. 1152. Clementis Decan. Eccl. Paris. in Magno Pastorali, lib. 3. ch. 32 :

Si vero aliquis Capellano vel Parochiali Sacerdoti nummos, vinum, annonam, vel etiam illud quod vulgo Trentale appellat, reliquerit, commune habeatur.

Id est pecuniam, quæ pro Trentenario adimplendo Sacerdoti exsolvitur. Et quidem Trentel, pro Officio 30. Missarum dixerunt nostri. Testam. ann. 1448. ex Chartul. 21. Corb. fol. 277 :

Item je voel et ordonne ung Trentel de Messes estre dictes et celebrées pour l'ame de my le plus brief que faire se porra.

Trentuale, in Charta Langobard. ann. 988. apud de Blasio Series Princ. Salern. Probat. pag. 124. num. 64 :

Et faciamus pro vestre salutis hanime septima et Trentuale, etc.

Vide Trentena 2. et Tricenarium.