« »
 
[]« Trica » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 178c. http://ducange.enc.sorbonne.fr/TRICA
TRICA, Tricia, etc. Crines intexti, implicati, a Gr. θρίξ, ut quidam volunt, vel ex Latino Tricæ, quæ Nonio sunt impedimenta et implicationes, uti rursum infra docemus. Nostri Treces, Itali Treccie dicunt. Σειραί, Naumachio Poetæ (uti observatum a Villiomaro, seu Josepho Scaligero ad Titium) et 70. Interpretibus. Ubi enim S. Ambrosius Epist. 24. ad Vigilium nude crinem hahet :
Si dissoluti essent crines septem capitis sui, et quasi in cubitum intexti discederet ab eo virtus sua,
iidem τὰς ἑπτὰ σειρὰς τῆς ϰεφαλῆς, etc. dixerunt. Ita Festus senis tantum crinibus ornari licuisse Vestalibus scribit, id est treciis.
les Bénédictins de St. Maur, 1733–1736.
Tricia Asini, f. Clitella e crinibus seu pilis farta. Charta ann. circ. 1080. e Tabul. S. Albini Andegav. :
De bulzono, de balteo, de Tricia asini, de talibus et his similibus minutis rebus, si furatæ fuerint, furto non deputari præcipimus.
Trica, Tricare. Joannes de Janua : Trico, as, a Trica capillorum dicitur, i. decipere, vel impedire, vel demorari........ Item Tricare, i. Tricas capillorum facere, et est verbum pertinens ad mulieres, quæ Tricant crines suos, quos in tres partes divisos subtiliter complicant et involvunt : et hujusmodi involutio Trica dicitur, quasi capiens, id est tres partes crinium : et inde detrico, as, unde Eccles. 32 :
Et hora surgendi non te Trices, i. non sis piger, vel non facias moram in componendo capillos, sicut mulieres faciunt : vel non sis mollis et effeminatus, quando debes strenue operari, etc.
Gl. Lat. Gall. Sangerman. : Tricare, Trecer, ou devoyer, ou empescher. Matthæus Westmonaster. ann. 1057 :
Tunc Godiva Comitissa Deo dilecta die quadam, ut prædictum est, una equum ascendens crines capitis et Tricas dissolvens, corpus suum totum præter crura candidissima inde velavit, etc.
les Bénédictins de St. Maur, 1733–1736.
Triccia. Sermo S. Humilitatis Abbatissæ in Actis SS. Maii tom. 7. pag. 835 :
Tricciæ suæ sunt annulatæ.
Treca. Vincentius Belvac. lib. 30. Speculi Hist. cap. 71. de Tartaris :
Raduntur a parte posteriori, et longos habent capillos ac Trecas retro juxta aures.
Eadem habet Sanutus lib. 3. part. 12. cap. 9.
les Bénédictins de St. Maur, 1733–1736.
Treccia. Acta S. Franciscæ Rom. tom. 2. Martii pag. 152 * :
Ipsa Dei famula sibi mutilari fecit Trecciam.
les Bénédictins de St. Maur, 1733–1736.
Trecces de cepis, Ceparum implexarum fasciculi, in Tabulario Portus Regii.
les Bénédictins de St. Maur, 1733–1736.
Trecia. Joh. Demussis Chron. Placent. ad ann. 1314. tom. 16. Muratorii col. 485 :
Et tunc pluribus mulieribus incisi fuerunt digiti et Treciæ per certos crudeles de Placentia, causa accipiendi [] annulos de digitis et in Trezoriis de Treciis ipsarum mulierum.
Adde Acta SS. Maii tom. 7. pag. 154.
les Bénédictins de St. Maur, 1733–1736.
Treza. Memoriale Potestatum Regiens. ad ann. 1219. apud Murator. tom. 8. col. 1103 :
Soldanus........ arripuit ferrum quo cinctus erat, sibi barbam et Trezas et caudam et comam sui equi truncavit.
Tressorium. Fleta lib. 5. cap. 5. § 4. de Meretricibus :
Si tertio inventæ fuerint hospicii secutrices, considerabitur quod amputentur eis Tressoria, et quod tondentur.
les Bénédictins de St. Maur, 1733–1736.
◊ Alias Tressorium, Gallis vulgo Tressoir, non sunt ipsi crines intertexti, sed vel instrumentum plectendis et intertexendis crinibus, vel crinium intertextorum muliebris ornatus. MS. :
En sa main tint un mirouoir,
Si out d'un riche Trechouoir
Son chef trechié moult richement.
Computus ann. 1239. e Bibl. Reg. :
Pro una ceintura argenti et duobus Trecouers.
Litteræ Johannæ Reginæ Navarræ ann. 1349. apud Lobinell. tom. 3. Hist. Paris. pag. 223. col. 1 :
Item, nos Tressons d'orfaverie, qui sont de rubis d'alixandre, d'esmeraudes et de perles.
© École des chartes.