TRICESIMA, Thesaurus Regis Angliæ, ut patet ex Præcepto Henrici III. ann. 1238. dato

Fratri Hugoni de Stocton et Ricardo Renger et sociis suis, custodibus Tricesimæ suæ in Turri London

. apud Rymer. tom. 1. pag. 380. ubi legitur :

Præcipimus vobis quod de denariis, quos habetis in custodia vestra de eadem Tricesima, sine dilatione faciatis habere Imperatori CP. vel Flemento Militi suo, præsentium latori, 500. libras, de dono nostro.

Porro notum est ex superius dictis in voce Templarii Thesaurum regium apud Anglos Templariis commissum fuisse : qua vero ex causa ita appelletur doceant nos Angli.