TRISCAMERARIUS, Dignitas Palatina, Camerarii dignitate inferior. Chartam Friderici I. Imp. ann. 1162. apud Diagum lib. 2. de Comitib. Barcinon. cap. 174. subscribunt præ cæteris Principibus,

Rodulfus Dapifer, Harmannus Camerarius, Bertolfus Triscamerarius, etc

. Alia Friderici II. Imp. ann. 1244. apud Goldastum tom. 2. Constitut. Imp. pag. 6. et Joan. Noppium in Chron. Aquisgran. lib. 3. n. 1 :

Willelmus Advocatus Aquensis, Henricus frater ejus Triscamerarius noster, et fideles nostri, etc.

Scribunt Sammarthani, Jacobum Serenum Archiepiscopum Ebredunensem, adiisse anno 1276. Rodulfum Imp. et ab eo impetrasse confirmationem privilegiorum Ecclesiæ suæ,

et dignitate Triscamerarii perpetui Cameræ Imperialis. adauctum

. Quod fusius descriptum videre potes in Bulla hujus Imperatoris edita tom. 2. Hist. Dalphin. pag. 13. et 64. Præter Jacobum Serenum eadem dignitate, sæculo elapso, insignitus legitur

Michael Dei gratia archiepiscopus Ebredunensis et princeps ac Triscamerarius imperialis

, in Charta ann. 1385. ex Tabul. S. Vict. Massil. Vide Haltaus. Glossar. col. 1800. voce Trese-kæmmerer, et Graff. Thesaur. Ling. Franc. tom. 5. col. 544. voce Treso, Triso.