TRITURATORES. Necrologium Ecclesiæ Carnotensis :

Acquisivit etiam apud Menuesin generaliter quicquid Major habebat in granica Capituli, scilicet duos Trituratores, vechiat, pesait, lentilat, favat, præter unam minam avenæ, quam habet propter submonitionem saccorum.

Alibi, 2. Id. Mart. :

Pro cujus anniversario habemus quatuor Trituratores in granchia de Clauso villari.

Rursum :

Acquisivit huic Ecclesiæ quicquid Major de Nongento fisci habebat in granica de Gaesvilla, videlicet unum Trituratorem, et stramina, et foragia, et paleas, et pilonem, et veciacum, et pesat, et favat, et duos Trituratores, quos Major de Joy habebat in granica de Joy.

Chartularium S. Vincentii Cenoman. fol. 7 :

Litigantibus coram nobis..... super tertia parte decimæ parochiæ de Lovigne cum uno Trituratore.

Usus est hac voce Columella pro eo, qui frumenti grana flagellis excutit : quæ notio locis allatis potest accommodari.