TRUFA, Glossarium mediae et infimae latinitatis, Du Cange et al.

TRUFA, Truffa, Trupha, Fraus, nequitia, jocus. Guill. Britto in Vocab. :

Nuga dicitur Trufa, unde Nugor, aris, nugas

f. Trufas facere. Gloss. Lat. Gall. : Nuga, Truffe. Jo. Brompton. in Ricardo I :

Minæ sunt, et quasi Truffæ, quas loqueris.

Cæsarius lib. 2. Mirac. cap. 25 :

Ille cogitans qualiter liberaret puellam, hujusmodi Trupham invenit.

Trusam male editum apud Ludewig. tom. 2. Reliq. MSS. pag. 108. Alberic. in Chron. MS. ann. 1239 :

Heu me, inquit, quamdiu durabit Truffa ista.

Raymundus in Summula :

Sed quis sortilegas compescet ab hac mulieres,

Sectas et Trufas harum qui scribere vellet.

Vide Will. Thorn. pag. 2064. Vitam B. Angelæ de Fulginio cap. 6. Indicem error. Valdensium § 15. Synodum Coloniensem ann. 1280. can. 4. Michaëlem Scotum lib. 4. Mensæ Philosophicæ cap. 43. Gesta Archiep. Trevir. apud Marten. tom. 4. Ampliss. Collect. col. 277. Synodum Avenion. ann. 1340. apud eumd. tom. 4. Anecd. col. 564. Trecorensem ann. 1435. ibid. col. 1140. Chronicon Petri Azarii apud Murator. tom. 16. col. 331. etc. W. Guiart :

Et ne cuit pas emplir mes pages

De Trufes, ne de fanfelues,

Dont les histoires sont velues.

MS. :

Certes je tendroie à grant Trufle,

Qui diroit que tu fusses hom.

Neque alio sensu Trulle apud Philippum Mouskes in Henrico I :

Et l'Abbé qui sot mult de Trulle,

S'en ala droit en Pulle.

Huc etiam, ni fallor, revocandum est Trut, quod pro fallacia, dolo vel fraude usurpat Poeta vetus in Historia Johannis IV. Ducis Britan. apud Lobinell. tom. 2. Hist. Britan. col. 730 :

François prenoint trop divers noms

Pour faire paour aux Bretons ;

Mais ils savoient plus de vieil Trut

Que vueille truie qui est en rut.

Alias Tracth veteribus Aremoricis idem est quod nostris Flaterie, Blanditiæ, teste Lobinello. Vide Christinam Pisanam 1. part. du Tresor de la Cité des Dames cap. 4. 24. H. Stephanus Trufer a Græco τρύφειν, subsannare, deducit : Ferrarius a tropha, alii a Germanico, etc.

les Bénédictins de St. Maur, 1733–1736.

◊ Ex iis emendo Litteras ann. 1342. apud Rymer. tom. 5. pag. 305 :

Et quamvis per diversos tractatus, per Trussas et ambages, nos diu protraxit sine fructu, etc.

Lego Truffas.

P. Carpentier, 1766.

◊ Truffe inter ornatus muliebres recensetur in Diario regni Caroli VII. pag. 511. ad ann. 1429 :

Les hommes ardoient tables et tabliers,..... et les femmes les atours de leurs testes, come bourreaux, Truffe, etc.

Haud scio an huc spectet vox Truiflet, in Lit. remiss. ann. 1385. ex Reg. 127. Chartoph. reg. ch. 41 :

En laquelle boursette laditte femme avoit pris... un Truiflet, qui estoit à clochettes de plon.

Trufare, Truffare, vel Truffari, Illudere, fallere, apud eumdem Cæsarium, lib. 5. cap. 29. et in Vita B. Angelæ de Fulginio cap. 23. Mamotrectus ad 28. Isaiæ :

Illudere, i. Trufari et deridere.

Rursum occurrit in Actis SS. tom. 2. Aprilis pag. 825. tom. 4. Maii pag. 538. tom. 1. Junii pag. 791. tom. 2. pag. 733. apud Marten. tom. 2. Anecd. col. 1454. tom. 7. Ampliss. Collect. col. 833. Robertum Avesbur. in Hist. Eduardi III. Regis Angl. pag. 209. 241. Murator. tom. 12. col. 950. tom. 16. col. 394. tom. 19. col. 388. etc. :

Mais que gi vois pour aus Trufer.

P. Carpentier, 1766.

◊ Truffler, pro s'Amuser, se divertir, Nugari, jocari, apud Christ. Pisan. in Carolo V. part. 1. cap. 16 :

Avec ses serviteurs par bonne familiarité se Truffloit de paroles joyeuses et honnestes.

Unde additur Se Truiffler en raille ou moquerie, in Lit. remiss. ann. 1453. ex Reg. 184. Chartoph. reg. ch. 317. cum in malam partem accipitur.

P. Carpentier, 1766.

◊ Aliud sonat vox Gallica Trufflet, Ictum nempe in faciem, ni fallor, in Lit. remiss. ann. 1397. ex Reg. 152. Chartoph. reg. ch. 184 :

Icellui Riviere respondit qu'il esconvenoit que le suppliant eust un Trufflet, qui est à dire un cop.

Trufator, apud eumdem Cæsarium, et in Cont. Nangii ann. 1351. Trufandie Occitanis. Baratator et Trufator, in Memoriali Potestatum Regiens. ad ann. 1284. apud Murator. tom. 8. col. 1163.

Abusores sive Truffatores,

in Synodo Trecor. ann. 1435. apud Marten. tom. 4. Anecd. col. 1140. et Lobinell. tom. 2. Hist. Britann. col. 1609.

Truffatores et terrarum exploratores,

in Synodo Salisburg. ann. 1456. apud Hansizium tom. 2. German. sacræ pag. 505. Matth. Silvaticus : Ambagum, id est Trufarium, vel vagum. Will. Guiart :

Si vraiment come en ce livre

Ne veuil les Trufeeurs ensuivre

Qui pour estre delitables,

Ont leurs Romans emplis de fables.

les Bénédictins de St. Maur, 1733–1736.

Trufatorius, Dolosus, fraudulentus. Processus ann. 1306. in Probat. Libertatum Gallic. cap. 39. n. 20 :

Archidiaconus... comparuit, proponendo multas exceptiones Trufatorias, etc.

P. Carpentier, 1766.

Truffatorius, Jocosus, facetus. Lit. remiss. ann. 1385. in Reg. 127. Chartoph.

reg. ch. 16 :

Verba Truffatoria seu jocosa et ociosa ad tempus eludendum inter se proferendo, etc.

Vide supra Trufare.

les Bénédictins de St. Maur, 1733–1736.

Truffaticus, Eadem notione. Charta ann. 1377. e Bibl. Regia :

Incepimus eis dicere, quod ista erat oblatio temptativa et videbatur Truffatica.

les Bénédictins de St. Maur, 1733–1736.

Trufatice, Jocose. Vita S. Contardi, tom. 2. Aprilis, pag. 449 :

Arbitratus aliquos insolentes et juvenes in campanilis vertice fore, qui sonitum hunc Trufatice causarent.