3. TYPUS, Idem quod Typhus, superbia. Glossæ antiquæ MSS. : Supercilio, Tipo, fastidio. Sergius II. PP. in Epist. ad Episcopos Transalpinos :

Sed nos..... confidimus, quod nullo Typo sæcularis audaciæ vestra succumbit auctoritas.

Charta Formosi PP. ann. 891. in Spicileg. Acher. tom. 12. pag. 150 :

Aliquo Typo aut fastu superbiæ, etc.

Alia Athelstani Regis Angl. in Monastico Anglic. tom. 3. pag. 129 :

Si..... aliquis Typo supercilii turgens, etc.

Will. Neubrigensis lib. 1. cap. 2 :

Homo turgidus Typo immanissimæ superbiæ, Jactantiæ Typo elatus,

apud Alcuinum Epist. 9.

Typo superbiæ turgidus,

in Vita S. Fructuosi n. 1. Regino ann. 886 :

Vanæ gloriæ Typus.

Continuator Hist. Abbatum Lobiensium pag. 614 :

Dantur igitur Apostolicæ auctoritatis mandata, ut electum (Abbatem) dominus Leodiensis, ad quem hoc spectabat, investiret, et investitum dominus Cameracensis absque Typo consecraret.

Id est, absque ulla pompa, vel solemnitate. Guibertus lib. Quo ordine sermo fieri debeat, pag. 2 :

Ex Typo nimio dedignantur.