VENENARIUS, Veneficus, vel artifex aut venditor veneni : Maleficus, φαρμαϰεύς, in Gloss. Lat. Gr. Papias et Joh. de Janua : Venenaria, mulier quæ facit venenum. Synodus Ticinensis ann. 850. cap. 25 :

Quædam etiam ita Venenariæ sunt, ut quosdam peremisse multo populi rumore deferantur.

Ita Appendix Codicis Theodos. Constit. 8. Venenarios cum Magis confundit :

Non aliquos in astra peccantes, non Venenarios, aut magos, etc.

Utuntur Suetonius, Optatus, Tertullianus, Hieronymus, Collatio Legis Mosaïcæ cap. 15. Jul. Firmicus lib. 6. cap. 19. Vetus Interpres Juvenal. Sat. 3. v. 44. Fragmentum Petronii pag. 17. etc.