VENERIS. Leges forestarum Kanuti Regis cap. 1. de forestarum custodibus :

Sint.... quatuor.... qui curam et onus tum viridis tum Veneris suscipiant.

Ita cap. 4. 11. 30. Et cap. 28 :

Aper vero quanquam forestæ sit, nullatenus tamen animal Veneris haberi est assuetus.

Ubi Interpres Normannus Veneris vocem usurpat pro venatione, ut recte observat Spelmannus, qui, si bene conjicio, non bene legit in suo MS. ubi forte Veneriæ habetur, nam Venerie dicimus venationem ; unde in Regum nostrorum Palatiis sunt Officiales, quos de la Venerie dicimus. Vide supra Veneria. Vide Viride 1. ubi non semel Venatio et Viride, Gall. vert et veneson, Angloss. forte wild and weald vel wudu.