« »
 
[]« 2 venia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 270b. http://ducange.enc.sorbonne.fr/VENIA2
2. VENIA, Idem quod vulgo Indulgentia, Remissio aut relaxatio pœnæ seu pœnitentiæ pro peccatis, vel debitæ, vel impositæ ; præsertim illa indulgentia, quæ ad ecclesiam aliquam certo die concurrentibus conceditur a summo pontifice, vel ab episcopis. Vide supra Pardonantia. Fragm. Hist. Fulginat. ad ann. 1292. apud Murator. tom. 4. Antiq. Ital. med. ævi col. 141 :
Sanctus Johannes de Casalina venit Fulginium ad Veniam beati Feliciani.
Vide ibi notam. Simili sensu in Inscript. ann. 1055. apud Schannat. Histor. Episc. Wormat. pag. 63. tom. 1 :
Dedicata est ista capella ...... in honorem..... S. Stephani Prothomartyris, Clementis papæ, Marcelli papæ et aliorum plurimorum martyrum et sanctorum, ad quorum Veniam Arnoldus præsul ante limen januæ istius templi [] coram clero et populo tradidit 6. mansos.
Ad eorum indulgentiam obtinendam. Alia ann. 1034. ibid. pag. 67 :
Azzechoni episcopo et Benzoni qui fecit Veniam rogate.
P. Carpentier, 1766.
Venia Digna, Idem quod Bona venia. Acta S. Jan. tom. 6. Sept. pag. 881. col. 2 :
Qualiter amplitudo corporis ejus secundum staturam æquiorem, ad quam metiri et comparari potuit, Venia digna, quinque pedum et sex digitorum prolixa fuisset, etc.
© École des chartes.