VESTITOR, Idem qui a Veste est, Vestiarius. Vestitores divinorum simulachrorum, apud Julium Firmicum lib. 3. cap. 11. Deorum vestitores, cap. 14. qui Deorum statuas vestibus exornabant. Inscriptio Romæ in Exquiliis :

D. Phedimo Vestitori M. Aug. Phæder. fratri piissimo.

Alia in Roma Subterran. lib. 3. cap. 3 :

Hic positus est benemeritus El.... Vestitor Imperatoris, qui vix..... depositus d. viiii. Kal. Septembr... Domini Honorii Aug. vi. ccss.

Apud Lampridium in Severo :

Fullones, et Vestitores, et pictores, et pincernæ, etc.

Theophanes, προϰένσου δὲ γενομένου ἐν τῷ Ἑϐδόμῳ ὰπώλεσαν οἱ βεστήτορες τὸ στέμμα τοῦ Βασιλέως. Quo loco Cedrenus habet βεστιαρίτας. Notus est apud Græculos inferioris ævi Cosmas, cognomento Βεστήτωρ, cujus orationes seu Homiliæ quædam recensentur apud Allatium in Diatriba de Simonib. pag. 94. 95. 100. et alios. Aliis notionibus, vide in Vestire 1. et 2.