VEXILLIFERI , Glossarium mediae et infimae latinitatis, Du Cange et al.

« Vexilliferi hæreditarii » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 8, col. 299b. http://ducange.enc.sorbonne.fr/VEXILLIFERI

VEXILLIFERI Hæreditarii. Ordericus Vitalis lib. 3. ann. 1066. pag. 493 :

Radulfus de Conchis, Rogerii Teonitis filius, Normannorum signifer.

Charta Ludovici Imp. ann. 1328. pro Castruccio Duce Lucæ, apud Freherum tom. 1. Rerum Germanic. parte 2. pag. 31 :

Te pro te et successoribus tuis, et a te per lineam masculinam natis et nascituris in perpetuum ipsius Ducatus Ducem et Vexilliferum nostrum, et sacri Romani Imperii ubilibet... promovemus.

Id porro munus, Vexilliferata infra dicitur.

Vexilliferi Milites. Vide Bannereti.

les Bénédictins de St. Maur, 1733–1736.

Vexilliferi Regii dicti ii, quibus Auriflammam deferendam committebant Reges Francorum, apud Scriptores nostros passim. Vide Gallandum de Vexillis Franc. pag. 43.

les Bénédictins de St. Maur, 1733–1736.

Vexilliferi, Supremi apud Florentinos, Bononienses, Lucenses et alios Magistratus, sub quibus armatus coiret populus. Poggius in Orat. funebri Leonardi Aretini, apud Baluz. tom. 2. Miscell. pag. 256 :

Functus est etiam summis magistratibus civitatis. Nam bis ex Decemviris summo civium favore factus fuit, Vexillumque societatis tribus gessit, ac ex Prioribus unus creatus est. Ad id quoque (quod præcipuum est in civitate) Vexillum pervenisset, nisi mors videndi finem attulisset.

Idem lib. 1. Hist. Florent. apud Murator. tom. 20. col. 197 :

Capitaneum sibi populus, et duodecim seniores ac Vexilliferos viginti, quorum consilio Respublica administraretur, instituunt....... Decennio post Vexillifer justitiæ, trigesimoque deinde anno duodecim viri, qui Boni appellantur electi, et numerus viginti Vexilliferorum ad sedecim redactus.

Jac. De Layto Annal. Estenses apud eumd. Murator. tom. 18. col. 971. ad ann. 1402 :

Et factis comitiis solitis electi fuerunt Antiani et Vexillifer justitiæ atque alii officiales more suo, per quos esset Respublica (Bononiensis) administranda.

Litteræ Maximiliani I. Rom. Imper. pro Republica Lucensi apud Ludewig. tom. 4. Reliq. MSS. pag. 320 :

Et in singulis locis dicti territorii Antianos, Vexilliferum, justitiæ Consiliarios et alios quoscumque magistratus ordinarios, etc.

P. Carpentier, 1766.

◊ Hist. Sicula Bonincont. part. 3. apud Lamium in Delic. erudit. ad ann. 1285. pag. 55 :

Quo tempore Florentini sex cives in magistratu bimestri creavere, quos priores artis adpellavere, et non multo post, quasi consulis loco unus electus est, quem justitiæ Vexilliferum dixere.

les Bénédictins de St. Maur, 1733–1736.

Vexilliferi, Exercitus Duces, ni fallor, in Chron. Jac. Malvecii apud Murator. tom. 14. col. 883 :

Igitur Brixiani se ad belli certamina præparantes, militum acies quatuor instituunt. Vexilliferos habuere, quorum hæc sunt nomina : Jacobus de Confaloneriis, Pontecelaus de Meyrano, Manuel de Contesio, alterius nomen non retinemus... Erant quippe hi quatuor generosi Milites ; statuuntque popularium quatuor acies, et unaquæque uno Vexillifero ducebatur.