VIRGATUS, Italis, Vergato, panno, o vestimento divisato di piu colori, Pannus virgis quibusdam in longum vel in latum varia serie et colore porrectis distinctus, uti Virgata Gallorum sagula, apud Virgilium lib. 8. interpretatur Turnebus lib. 2. Advers. cap. 4. Glossæ Gr. Lat. : Ῥαϐδωτός, virgeus. Statuta Innocentii IV. PP. pro reformatione Nigri ordinis :

Non adolescentes, non nobiles, non consanguineos, nec indutos vestibus Virgatis, aut argenteis nodulis ornatis, vel partitis, vel viridibus, aut rubeis, etc.

Statuta Eccl. Gerund. ann. 1274. apud Marten. tom. 8. Ampl. Collect. col. 1469 :

Pannis rubeis, vel cendatis, seu viridibus, aut Virgatis tunicis, etc. Vestes Virgatas continue publice portantes,

in Concilio Bituricensi ann. 1280. apud eumdem tom. 4. Anecdot. col. 192.

Vestes partitæ vel Virgatæ,

in Statutis Ecclesiæ Argentoratensis ann. 1435. ibidem col. 539. Concilium Palentinum ann. 1388. cap. 3 :

Vestem superiorem non Virgatam, aut bipartitam, etc. Vestito di vergato,

apud Scriptores Italos, laudatos a Pergamino. Vide in Pannus 2. Vetatus, Virga 1. et Virgata.