VIVANDA, Vivenda, Italis, proprie cibus omnis præter panem. Capitulare 5. Caroli M. ann. 803. cap. 2. edit. Baluzii :

Excepto Vivanda et fodro, quod iter agentibus necessaria sunt, etc.

Charta ann. 1242. apud Ughellum in Archiep. Benevent. :

Et quæ personæ consueverunt percipere et habere Vivandam ab Ecclesia Beneventana, etc.

Anonymus de excidio S. Joannis de Taronça :

Et recordatus est fratrum, qui erant in illis locis, et ivit cum bonis hominibus videre locum de sua Vivenda : et cum invenisset eos pauperes, et viventes in tuguribus, etc.

Gosuinus de expugnat. Alaçar :

Aura datur, mare sulcatur quampluribus alnis,

  Portugal ratibus terra Vivenda patet.

Vide Vianda et Vivendus.